«Pa zahadzie źvierchu, ale nie Papy». Ksiondz Uładzisłaŭ Zavalniuk upieršyniu publična raskazaŭ pra svajo zvalnieńnie
Šmathadovy probašč treci hod zakrytaha Čyrvonaha kaścioła ŭ Minsku, adzin z najbolš viadomych i zasłužanych śviataroŭ Biełarusi ksiondz Uładzisłaŭ Zavalniuk, hod tamu adpraŭleny na piensiju i ŭ adstaŭku z hetaj pasady, upieršyniu publična raskazaŭ pra svajo zvalnieńnie, piša Katolik.life.
Raniej sa słoŭ viernikaŭ paviedamlałasia, što śviatar nie padavaŭ prašeńnia ab adstaŭcy, jak heta było zajaŭlena aficyjna.
Ciapier ksiondz Zavalniuk paćvierdziŭ heta ŭ svaim videa, jakoje pryśviaciŭ temie žyćcia na piensii jak svajoj, tak i kožnaha čałavieka.
Śviatar adznačyŭ, što jaho adpravili na «niezasłužany adpačynak», a zatym praciahnuŭ:
«Na piensiju adpravili mianie pa zahadzie źvierchu [pry hetym pakazaŭ uniz], ale nie Papy [Rymskaha]. Adchilili, adłučyli mianie ad ałtara, adpraŭleńnia śviatoj Imšy, ad Kaścioła, dušpastyrstva — razumiej, ad naroda».
Pry hetym ksiondz padkreśliŭ, što ŭsia nadzieja na Boha, «usio vypravicca, daviaraju Bohu».
Paśla hetaha śviatar vyrašyŭ, što raz jaho «adchilili ad Božaha ałtara, achviary śviatoj Imšy, treba abviaščać Słova Božaje». Tamu jon adkryŭ svoj jutub-kanał «Hołas dušy», jaki maje ciapier amal 3 tysiačy padpisčykaŭ.
U svaich videa śviatar prajaŭlaje siabie jak mocny prapaviednik, a ŭ celebracyi śviatych imšaŭ udzielničaje ŭ tych parafijach, jakija zaprašajuć jaho da siabie.
Ksiondz Zavalniuk taksama nahadaŭ pra represavanaha pry SSSR śviatara Adama Stankieviča, jaki vydaŭ malitoŭnik «Hołas dušy», i rasstralanaha probašča Čyrvonaha kaścioła ksiandza Vincenta Hadleŭskaha, jaki napisaŭ pradmovu da druhoha vydańnia malitoŭnika.
«Raśpiłavali bałharkaj siejf, uzłomvali skarbonki». Parafijanie Čyrvonaha kaścioła raskazali, jak z chrama vyvozili majomaść
Čyrvony kaścioł u Minsku chutka pačnuć ramantavać
Tadevuš Kandrusievič i Uładzisłaŭ Zavalniuk naviedali parafiju źniavolenaha ksiandza Juchnieviča
Na raźvitańni z ksiandzom Zavalniukom adklučyli tranślacyju. Što tam było?
«Niapraŭda aburaje». Vierniki raskazali, što nie tak sa zvalnieńniem probašča Čyrvonaha kaścioła
Bieź śviatła, vady i chrama žyvie ŭ Minsku Kapiełan Papy Rymskaha
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć32
Kamientary