Prezident ZŠA Donald Tramp, adkazvajučy na pytańnie ab mahčymym pierajemniku, nazvaŭ najbolš imaviernym vice-prezidenta ZŠA Džej Dzi Vensa.
Žurnalisty paprasili Trampa prakamientavać słovy dziaržsakratara Marka Rubia, jaki nazvaŭ Vensa vydatnym kandydatam na vybarach ad Respublikanskaj partyi ŭ 2028 hodzie.
«Vidavočna, što jašče zanadta rana pra heta havaryć, ale jon robić vydatnuju pracu i, vierahodna, źjaŭlajecca favarytam na dadzieny momant», — skazaŭ jon.
Kiraŭnik ZŠA dadaŭ, što Rubia «mahčyma, budzie dziejničać razam z Džej Dzi ŭ niejkaj formie».
Raniej Tramp skazaŭ, što, imavierna, nie pojdzie na treci termin.
Pavodle 22-j papraŭki da Kanstytucyi ZŠA, adzin čałaviek moža być prezidentam nie bolš za dva terminy. Ciapier Tramp kiruje svaju druhuju kadencyju, jakaja skončycca ŭ 2029 hodzie (pieršaja była ŭ 2017—2021 hadach).
Nastupnyja prezidenckija vybary ŭ ZŠA projduć u listapadzie 2028 hoda, aficyjny paŭnamoctvy dziejnaha prezidenta skončacca 20 studzienia 2029 hoda.
Jak raniej paviedamlałasia, niekatoryja prychilniki Trampa prapanoŭvali jamu varyjanty dla treciaha terminu — naprykład, praz skasavańnie papraŭki abo vyłučeńnie ŭ vice-prezidenty z dalejšym pierachodam na pasadu prezidenta.
Jašče ŭ listapadzie minułaha hoda, za dva miesiacy da inaŭhuracyi Tramp nibyta žartam zajaŭlaŭ, što moh by bałatavacca i na treci termin.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary