Prezident ZŠA Donald Tramp zajaviŭ u intervju CNBC, što, chutčej za ŭsio, nie budzie bałatavacca na treci termin. Adkazvajučy na adpaviednaje pytańnie, jon skazaŭ: «Nie. Napeŭna, nie».
U toj ža čas 79-hadovy Tramp taksama dadaŭ, što sam maje žadańnie zaniać prezidenckuju pasadu i paśla zakančeńnia ciapierašniaha terminu. Jon adznačyŭ, što nibyta maje rekordnuju papularnaść i patłumačyŭ heta tym, što «ludziam padabajucca taryfy» i što «inšyja krainy bolš nie abkradajuć ZŠA».
Pavodle 22-j papraŭki da Kanstytucyi ZŠA, adzin čałaviek moža być prezidentam nie bolš za dva terminy. Ciapier Tramp kiruje svaju druhuju kadencyju, jakaja skončycca ŭ 2029 hodzie (pieršaja była ŭ 2017—2021 hadach).
Jak raniej paviedamlałasia, niekatoryja prychilniki Trampa prapanoŭvali jamu varyjanty dla treciaha terminu — naprykład, praz skasavańnie papraŭki abo vyłučeńnie ŭ vice-prezidenty z dalejšym pierachodam na pasadu prezidenta.
Jašče ŭ listapadzie minułaha hoda, za dva miesiacy da inaŭhuracyi Tramp nibyta žartam zajaŭlaŭ, što moh by bałatavacca i na treci termin.
«Ja nie žartuju. Šmat chto choča, kab ja heta zrabiŭ». Tramp nie vyklučyŭ, što pojdzie na treci termin
ŚMI raskryli prosty i realistyčny płan, jak Tramp zmoža zastavacca prezidentam ZŠA da 2037 hoda
Tramp abmoviŭsia, što hatovy pajści na treci termin. A ci mahčyma takoje ŭ ZŠA ŭvohule?
Tramp pažartavaŭ, što hatovy bałatavacca na treci prezidencki termin, kali amierykancy skažuć «Nada!»
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary