Zarapad Piersieidaŭ, adzin z samych vidoviščnych mieteornych patokaŭ hoda, dasiahnie svajho piku ŭ noč z 12 na 13 žniŭnia.
U hety čas žychary Biełarusi, pry spryjalnych umovach nadvorja, zmohuć ubačyć da 100 mieteoraŭ u hadzinu.
Kab nazirać za padajučymi zorkami, varta vybirać ciomnyja miescy dalej ad haradskoha śviatła i nakiroŭvać pozirk u bok suzorja Piersieja, jakoje ŭźnimajecca ŭ druhoj pałovie nočy. Najlepšy čas dla nazirańniaŭ — na dośvitku 13 žniŭnia.
Sioleta bačnaść patoku krychu źmienšyć jarkaje śviatło Miesiaca. Ale samyja jarkija mieteory, u tym liku balidy, buduć dobra bačnyja navat na jaho fonie.
Kab pavysić šancy ŭbačyć zarapad, stańcie ŭ cień dreva, budynka ci ŭzvyšša, kab schavacca ad pramoha miesiačnaha śviatła, i dajcie vačam 15—20 chvilin pryvyknuć da ciemry.
Kamientary