Prezident Rasii Uładzimir Pucin prapanavaŭ prezidentu ZŠA Donaldu Trampu abmierkavać pytańni jadziernaj zbroi ŭ ramkach mahčymych damoŭlenaściaŭ pa Ukrainie padčas samitu na Alascy, paviedamlaje The Moscow News. Jon skazaŭ heta padčas narady ź inšymi členami vyšejšaha kiraŭnictva Rasii pierad tym, jak rasijskaja delehacyja mieła nakiravacca ŭ Ankorydž.
Pavodle słoŭ Uładzimira Pucina, amierykanskaja administracyja prykładaje «davoli enierhičnyja i ščyryja namahańni» dla spynieńnia vajennych dziejańniaŭ i dasiahnieńnia pahadnieńniaŭ, jakija buduć vyhodnyja ŭsim bakam kanfliktu. Jon adznačyŭ, što havorka, maŭlaŭ, idzie pra mir u Jeŭropie i ŭ śviecie ŭ cełym, a ŭ nastupnych krokach mohuć razhladacca damoŭlenaści pa kantroli nad stratehičnymi nastupalnymi ŭzbrajeńniami.
Na siońniašni dzień pamiž Rasijaj i ZŠA dziejničaje tolki adna dvuchbakovaja damova ab abmiežavańni jadziernaj zbroi — SNU-3 (2010 hod), jakaja zabaraniaje mieć bolš za 1550 raźmieščanych bojehałovak i bolš za 800 ich nośbitaŭ. Termin dziejańnia hetaj damovy zakančvajecca ŭ lutym 2026 hoda. U 2023 hodzie Pucin prypyniŭ jaje dziejańnie, śćviardžajučy, što Zachad imkniecca nanieści Rasii «stratehičnaje paražeńnie».
Napiaredadni samitu Rasija pačała padrychtoŭku novych vyprabavańniaŭ rakiety ź jadziernym ruchavikom «Buravieśnik» — adnaho ź piaci «cuda-uzbrajeńniaŭ», pradstaŭlenych Pucinym u 2018 hodzie. Testavy pusk moža adbycca ŭžo na hetym tydni na archipiełahu Novaja Ziamla.
Samit Pucin-Tramp, pieršy vizit rasijskaha prezidenta ŭ ZŠA dla pieramoŭ z 2007 hoda, chutčej za ŭsio, nie pryniasie istotnych vynikaŭ, ličać maskoŭskija krynicy vydańnia The Guardian. Jon nie budzie «finalnym samitam» dla doŭhaterminovaha miru, bo padrychtoŭka była niedastatkovaj, ale heta redkaja mahčymaść pryciahnuć Trampa na bok Rasii.
Pavodle śviedčańnia krynic, Pucin budzie nastojvać na poŭnaj pieradačy Ukrainaj terytoryj Danieckaj i Łuhanskaj abłaściej Rasii i pryznańni ich anieksii ZŠA. Pry hetym jon nie admovicca ad pretenzij na Chiersonskuju i Zaparožskuju vobłaści, choć moža simvalična viarnuć Ukrainie nievialikija ŭčastki Sumskaj i Charkaŭskaj abłaściej, jakija ciapier kantralujucca RF.
Kreml: Padpisańnia dakumientaŭ pa vynikach pieramoŭ Pucina i Trampa nie płanujecca
Staŭ viadomy čas zaŭtrašniaj sustrečy Pucina i Trampa
Mierc i lidary ES vystavili Pucinu svaje ŭmovy, adnak ekśpierty sumniavajucca ŭ ich sile
Tramp skazaŭ Zialenskamu i jeŭrapiejcam, što nie budzie abmiarkoŭvać z Pucinym pytańnie terytoryj
Tramp choča prapanavać Pucinu za spynieńnie vajny redkaziamielnyja minierały
Tramp pahražaje Pucinu «surjoznymi nastupstvami», kali toj admovicca spynić vajnu paśla samitu na Alascy
Kamientary