Prypynili paŭnamoctvy namieśnika kiraŭnika BAŽ Barysa Hareckaha. Jaho padazrajuć u charasmiencie
Praŭleńnie Biełaruskaj asacyjacyi žurnalistaŭ na svaim pasiadžeńni 14 žniŭnia razhledzieła situacyju vakoł mahčymych faktaŭ charasmientu z boku namieśnika staršyni BAŽ Barysa Hareckaha. Paviedamlajecca, što ź infarmacyjaj pra takija abvinavačańni da praŭleńnia źviarnuŭsia sam Harecki.
Uličvajučy surjoznaść abvinavačańniaŭ, praŭleńnie BAŽ vyrašyła raspačać raźbiralnictva.
Na jaho čas vykanańnie Barysam Hareckim pradstaŭničych i kirujučych funkcyj u BAŽ prypyniajecca.
Raźbiralnictva budzie ŭklučać zbor infarmacyi, jaje acenku i pryniaćcie praŭleńniem vynikovaha rašeńnia.
Zbor infarmacyi budzie rabicca da 1 kastryčnika 2025 hoda ad mahčymych paciarpiełych ad dziejańniaŭ Barysa Hareckaha.
Patreba ŭ raźbiralnictvie ŭźnikła paśla taho, jak 10 žniŭnia Barys Harecki apublikavaŭ u fejsbuku post, u jakim pryznaŭsia, što jaho nielha ličyć «maralnym ideałam» i što niekatoryja jaho słovy mohuć razhladacca jak damahańni.
Adnačasova jon padkreśliŭ, što nikoli nie namiakaŭ na adździačvańnie za svaju pracu pa padtrymcy ŚMI i žurnalistaŭ i nie ŭdzielničaŭ u sumnieŭnych adnosinach, u tym liku nie dasyłaŭ nikomu intymnyja fatahrafii.
U kamientary vydańniu «Lusterka» Barys Harecki zajaviŭ, što pytańnie treba vyrašać sistemna: raspačać rasśledavańnie, stvaryć pracedury i raspracavać palityku arhanizacyi dla takich vypadkaŭ.
U toj ža čas kiraŭnik BAŽ Andrej Bastuniec raskazaŭ, što ŭ asacyjacyi vyrašyli abmierkavać situacyju. Na najbližejšym schodzie praŭleńnia Harecki pradstavić svaju viersiju, a arhanizacyja paźniej, kali budzie nieabchodna, padzielicca infarmacyjaj. Pavodle słoŭ Bastunca, akaličnaści spravy i pryčyny publikacyi pasta Hareckaha tady byli nieviadomyja — mahčyma, heta była emacyjnaja reakcyja.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
U taho, chto tut piša ad imia "Pytańnie", usie pytańni ŭ vyhladzie damahańniaŭ-pretenzij. I ničoha nie dachodzić. Z takim pacanskim apłombam "Niešta ja nie zrazumieŭ" lepš nie kamunikavać uvohule ź ludźmi, nie tolki z žančynami.