Praź źmienu klimatu papulacyi ptušak u tropikach skaracilisia na 38%
Navukoŭcy vyśvietlili, što ekstremalnaja śpioka, vyklikanaja źmianami klimatu, stała hałoŭnaj pryčynaj skaračeńnia kolkaści ptušak u tropikach. Pavodle daśledavańnia, apublikavanaha ŭ časopisie Nature Ecology & Evolution, z 1950 pa 2020 hod papulacyi ŭ hetym rehijonie mahli źmienšycca na 25—38% u paraŭnańni z raniejšaj situacyjaj.
Analiz bolš čym 3000 papulacyj ptušak zaśviedčyŭ, što dni z anamalna vysokaj tempieraturaj tarmoziać ich rost z-za hibieli ad pierahrevu i abiazvodžvańnia, a taksama z-za niaŭdałaha razmnažeńnia pad stresam. Asabliva ŭraźlivyja trapičnyja vidy, bo jany prystasavanyja da vuzkaha tempieraturnaha dyjapazonu i kiepska pieranosiać rezkija źmieny.
U tropikach škoda ad śpioki akazałasia navat bolšaj, čym ad pramoha ŭździejańnia čałavieka na pryrodu, naprykład, vysiakańnia lasoŭ. I hetym tłumačycca, čamu kolkaść ptušak źmianšajecca navat u niekranutych lasach Paŭdniovaj i Centralnaj Amieryki.
Vyniki daśledavańnia staviać pad sumnieŭ mierkavańnie, što dla zachavańnia vidaŭ dastatkova tolki abaraniać ich asiarodździe pražyvańnia. Baraćba z hłabalnym paciapleńniem akazvajecca dla zachavańnia bijaraznastajnaści nie mienš važnaj.
Kamientary