«Я не дыктатар, мне ў галаву не прыйдзе змяняць Канстытуцыю». Прэзідэнт Сербіі Вучыч заявіў, што не пойдзе на трэці тэрмін
Сябра Лукашэнкі і Пуціна расказаў, што не збіраецца перапісваць асноўны закон пад сябе.
Прэзідэнт Сербіі Аляксандр Вучыч заявіў, што не збіраецца ісці на трэці тэрмін і мяняць для гэтага Канстытуцыю.
Вучыч сказаў, што ён не дыктатар і яму ў галаву не прыходзіць перапісваць закон пад сябе, паведамляе kurir.rs.
«Выбары будуць, я палітычны ветэран, больш не магу балатавацца ў прэзідэнты, і мне нават у галаву не прыходзіць змяняць канстытуцыю, каб далей вылучацца. Я не дыктатар, якім мяне ўяўляюць у аўстрыйскіх СМІ, сваю прэзідэнцкую кар’еру закончу праз год з невялікім», — сказаў Вучыч.
Ён дадаў, што працягне змагацца за свае ідэалы і дапамагаць іншым, але не стаў казаць, на якой пасадзе ён збіраецца гэта рабіць.
Вучыч таксама адзначыў, што сербскія ўлады не ціснулі пратэст сілай, таму што ён «паважае патрэбу людзей змагацца за нешта іншае, хаця гэта не заўсёды выяўляецца дэмакратычна».
З лістапада 2024 года ў Сербіі праходзяць масавыя пратэсты з патрабаваннем правесці датэрміновыя выбары. Народныя выступы пачаліся пасля трагедыі: у Нові-Садзе абрынуўся нядаўна адрамантаваны навес на вакзале, у выніку чаго загінулі 16 чалавек. Першапачаткова людзі выйшлі на пратэст з патрабаваннем пакараць вінаватых і ўзмацніць барацьбу з карупцыяй, але потым вылучылі і палітычныя патрабаванні, у тым ліку адстаўкі ўрада і прэзідэнта.
Вучыч займае пост прэзідэнта з 2017 года. Да гэтага ён яшчэ тры гады быў прэм'ер-міністрам.
Цяпер чытаюць
Сёстры Груздзевы цяпер важаць пад 100 кілаграмаў кожная20
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары
Нагадаю што ў ЗША нават ЦВК няма, а ў Канстытуцыі офісу-Лябедзька есць. Потым ўмоўны лукашэнка 2:0 сваім незаконным указам прызначае чарговую Ярмошыну з сям'і расейскіх вайскоўцаў, робіць пад сябе ліпавы рэферэндум, малюе ліпавыя лічбы і ва-ля, маем чарговага Лукашэнку 2:0 і ўвесь савецка-саўгасны трэш з вялікім руцкім, толькі ўжо па Канстытуцыі офісу-Лябедзька якая фактычна вядзе да дыктатуры, па зместу антыпарламенцкая і антыбеларуская. Ў ей нават пра сувярэнітэт і незалежнасць Беларусі не ўзгадваецца.