Były daradca prezidenta ZŠA: Tramp na pieramovach nie prajhraŭ, ale Pucin vidavočna pieramoh
Daradca Trampa pa nacyjanalnaj biaśpiecy padčas jahonaj pieršaj administracyi Džon Bołtan zajaviŭ, što pa vynikach sustrečy na Alascy možna kazać pra vidavočnuju pieramohu Pucina, chacia i nie pra parazu Trampa. Pra heta jon skazaŭ u efiry CNN, piša Jeŭrapiejskaja praŭda.
Były pasoł ZŠA ŭ AAN i były daradca pa nacyjanalnaj biaśpiecy Donalda Trampa ličyć Pucina «vidavočnym pieramožcam» na sustrečy lidaraŭ RF i ZŠA adnosna rasijska-ŭkrainskaj vajny.
«Na maju dumku, Tramp nie prajhraŭ, ale Pucin vidavočna pieramoh. Tramp vyjšaŭ adtul z pustymi rukami — akramia ‘novych sustreč'. A voś Pucin, jak mnie zdajecca, prajšoŭ značnuju častku šlachu da adnaŭleńnia adnosin (što, jak ja liču, daŭno było jaho hałoŭnaj metaj). Jon paźbieh (novych) sankcyj, jamu nie treba iści na spynieńnie ahniu, nastupnaja sustreča nie pryznačanaja, Zialenskamu pra heta ničoha nie paviedamili da hetaj pres-kanfierencyi», — patłumačyŭ jon.
«Heta ŭsio jašče daloka nie skončyłasia, ale ja b skazaŭ, što Pucin dasiahnuŭ bolšaści z taho, što chacieŭ, a Tramp — vielmi mała», — padsumavaŭ Bołtan.
Eks-daradca taksama padzialiŭsia ŭražańniem, što Tramp paśla sustrečy vyhladaŭ «vielmi stomlenym».
Niamiecki dypłamat: Pucin pieramoh na pieramovach z Trampam
Tramp zajaviŭ, što zaraz damoŭlenaść pa Ukrainie zaležyć ad Zialenskaha
Tramp adkłaŭ na dva-try tydni ŭzmacnieńnie sankcyj suprać Rasii paśla pieramovaŭ z Pucinym
Dla Ukrainy zastajecca niapeŭnaść, Zialenski sustreču prezidentaŭ ZŠA i Rasii tak i nie prakamientavaŭ
Ciapier čytajuć
Źnikłuju ŭ Mjanmie Vieru Kraŭcovu znajšli miortvaj5
Kamientary
Pri piervom naskokie, v martie, vyvoračivał ruki Zielenskomu na sdaču tierritorii Ukrainy i tiepieŕ diełajet tožie samoje.
Sankcijami kak hroził, tak i prodołžajet hroziť, nievvodia ich.
A čieho stoili i skolkich žiźniej ukrainciev, potieŕ ukrainskich tierritorii, błokirovki vojennoj pomoŝi Ukrainie s vklučienijem duračka - mienia nie tak poniali podčinionnyje.
Vsio za sčiot kapitulacii Ukrainy i sdači jejo tierritrii ahriessoru, s kotorym ustraivajet bałahan, cirk i siełfi....