Sustreču Trampa, Pucina i Zialenskaha mohuć pravieści ŭžo ŭ najbližejšuju piatnicu
Amierykanskaje vydańnie Axios sa spasyłkaj na svaje krynicy paviedamiła, što prezident ZŠA Donald Tramp paśla razmoŭ z prezidentam Ukrainy Uładzimiram Zialenskim i jeŭrapiejskimi lidarami choča ŭžo 22 žniŭnia pravieści trochbakovy samit z udziełam prezidentaŭ Rasii i Ukrainy.
Pavodle surazmoŭcaŭ Axios, prezident Rasii Uładzimir Pucin zhadaŭ pra mahčymyja harantyi biaśpieki dla Ukrainy, ale prapanavaŭ u jakaści haranta Kitaj, što śviedčyć pra jaho niežadańnie bačyć Zachad u hetaj roli.
Inšyja śviedčańni krynic Axios paćviardžajuć toje, što ŭžo paviedamlałasia ŭ inšych ŚMI.
Donald Tramp 18 žniŭnia źbirajecca pravieści ŭ Vašynhtonie sustreču z Uładzimiram Zialenskim, pa jakuju zaprošanyja i jeŭrapiejskija lidary, choć pakul nieviadoma, chto ź ich dakładna pajedzie.
Uładzimir Pucin patrabuje, kab Ukraina addała Rasii ŭsie terytoryi Danieckaj i Łuhanskaj abłaściej i zhadziłasia na zamarožvańnie ciapierašniaj linii frontu ŭ Zaparožskaj i Chiersonskaj abłaściach. U jakaści svajoj «sastupki» jon prapanuje admovu ad nastupleńnia tam, dzie jahonyja vojski i tak daŭno nie ruchajucca.
Taksama, pavodle ŭkrainskaj krynicy, amierykancy atrymali ŭražańnie, što Pucin nibyta hatovy abmiarkoŭvać losy akupavanych terytoryj u Charkaŭskaj i Sumskaj abłaściach.
Taksama jon nastojvaje, kab ZŠA aficyjna pryznali anieksiju im ukrainskich ziamiel.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary