U pravasłaŭnym chramie Nižniaha Noŭharada zdymali hiej-porna. U im mahli ŭdzielničać sieminarysty
U Nižnim Noŭharadzie razhareŭsia skandał: u pravasłaŭnym chramie śviatych apostała Cimafieja i mučanicy Taćciany zdymali hiej-porna. Carkoŭnyja ŭłady i siłaviki abiacajuć znajści i pakarać vinavatych. Ci byli siarod udzielnikaŭ zdymak sieminarysty, pakul nie viadoma.
U rasijskich miedyja šyroka abmiarkoŭvajecca vypadak zdymak hiej-parnahrafii ŭ adnym z pravasłaŭnych chramaŭ Nižniaha Noŭharada. Pieršyja źviestki pra videa źjavilisia ŭ kanale «Cierkovnyje Viedomosti», jaki śpiecyjalizujecca na insajdach z carkoŭnaha asiarodździa. Paśla materyjał padchapiŭ rasijski aktyvist i stvaralnik ruchu «Mužskoje hosudarstvo» Uładzisłaŭ Paźniakoŭ, jaki vykłaŭ skrynšoty videa i zajaviŭ, što poŭny zapis pieradadzieny ŭ FSB.
Pavodle źviestak ASTRA, videa było vystaŭlena na hiej-parnasajcie jašče hod tamu. Interjer u kadry nahadvaje Chram śviatych apostała Cimafieja i mučanicy Taćciany.
U častcy hetaha budynka znachodzicca pravasłaŭnaja himnazija.
U ciapierašni čas siłaviki sprabujuć znajści ŭdzielnikaŭ zdymak. Paźniakoŭ śćviardžaje, što siarod ich mohuć być navučency duchoŭnaj sieminaryi.
Nastajaciel chrama, protaijerej Alaksiej Hłotaŭ, u kamientary kanału «Ostorožno, novosti» paćvierdziŭ aŭtentyčnaść videa i zajaviŭ, što jano było źniata «daŭno». Jon dadaŭ, što ciapier dostup u tuju častku chrama abmiežavany i tam ustanoŭleny kamiery nazirańnia.
Pres-sakratar Nižaharodskaj mitrapolii Alaksiej Piestracoŭ paćvierdziŭ, što «ŭsie ŭdzielniki videa buduć ustanoŭleny i pakaranyja». Pavodle jaho słoŭ, čakajecca zaviadzieńnie kryminalnaj spravy i praviadzieńnie ŭnutranaha carkoŭnaha rasśledavańnia dla vyśviatleńnia, jak zdymačnaja hrupa atrymała dostup u chram.
Jon taksama zajaviŭ: «Homasieksualizm źjaŭlajecca hrachom i z daŭnich časoŭ asudžajecca Carkvoj. Udzielniki videa, arhanizatary zdymak, a taksama tyja, chto atrymaŭ z hetaha vyhadu, prademanstravali hłybokaje maralnaje padzieńnie».
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary