Prezident ZŠA Donald Tramp, jaki niadaŭna abviaściŭ pra namier arhanizavać asabistuju sustreču Uładzimira Pucina i Uładzimira Zialenskaha, vyrašyŭ admovicca ad hetaj inicyjatyvy. Pavodle krynic The Guardian z amierykanskaj administracyi, Tramp ciapier ličyć, što Maskva i Kijeŭ pavinny sami arhanizavać dvubakovyja pieramovy, jakija, na jaho dumku, mahli b stać nastupnym krokam da zaviaršeńnia vajny.
Krynicy The Guardian paviedamlajuć, što amierykanski prezident bolš nie budzie brać na siabie pramuju rolu ŭ arhanizacyi sustrečy. Zamiest hetaha jon choča dałučycca paźniej — kali Pucin i Zialenski ŭžo sustrenucca — i pravieści trochbakovuju sustreču pry ŭdziele ZŠA.
Raniej, 19 žniŭnia, Tramp abviaściŭ pra svaju ideju paśla sustrečy ŭ Biełym domie ź Zialenskim, a taksama ź lidarami krain Jeŭrasajuza i hiensiekam NATA Markam Rute. Zachodnija ŚMI paviedamlali, što ŭ telefonnaj razmovie Pucin papiarednie pahadziŭsia na prapanovu Trampa, ale Kraml aficyjnaha paćviardžeńnia hetamu nie daŭ.
U toj ža čas ministr zamiežnych spraŭ Rasii Siarhiej Łaŭroŭ adznačyŭ, što dla takoj sustrečy patrebnaja hruntoŭnaja padrychtoŭka: usie pytańni pavinny być zahadzia adpracavanyja ekśpiertami i ministrami. Pavodle jaho słoŭ, Pucin «hatovy sustrakacca i ź Zialenskim», ale tolki kali budzie jasna, što sustreča maje kankretny sens i kali z ukrainskaha boku budzie asoba z dastatkovaj u vačach Rasii lehitymnaściu dla padpisańnia mahčymych damoŭlenaściaŭ.
Taksama Łaŭroŭ zajaviŭ, što Rasija nie prymie prajekt harantyj biaśpieki dla Ukrainy, jaki ŭklučaŭ by prysutnaść zachodnich vojskaŭ na jaje terytoryi.
Pavodle krynic The Washington Post, u Kramli nie vierać u chutkaje praviadzieńnie samitu, jaki Tramp chacieŭ arhanizavać užo da kanca hetaha tydnia. U Maskvie heta ličać prablemnym, bo sustreča mahła b aznačać «peŭnuju lehitymizacyju ŭkrainskaj ułady». Pazicyja Rasii takaja: asabistaja sustreča Pucina i Zialenskaha mahčymaja tolki paśla taho, jak buduć uzhodnieny ŭmovy damovy, što ŭ viersii Maskvy aznačaje faktyčnuju kapitulacyju Ukrainy.
Takim čynam, ideja Trampa pakul zastałasia biez realnaha raźvićcia, i pierśpiektyvy samitu Pucin—Zialenski vyhladajuć vielmi niapeŭnymi.
Uitkaf pieradaŭ orden ad Pucina namieśnicy dyrektara CRU — jaje syn vajavaŭ za Rasiju i zahinuŭ
Zialenski prakamientavaŭ mahčymaje miesca sustrečy z Pucinym
«Vy b addali Fłarydu, Džordžyju, Virdžyniju?» Prezident Finlandyi patłumačyŭ amierykancam, kolki terytoryi Pucin patrabuje ad Ukrainy
Łaŭroŭ zapatrabavaŭ udziełu Rasii i Kitaja ŭ harantyjach biaśpieki Ukrainie
«Mahčyma, ja z zababonami». Tusk suprać praviadzieńnia pieramoŭ Zialenskaha i Pucina ŭ Vienhryi
«Paražeńnie polskaj dypłamatyi». Adsutnaść palakaŭ u Vašynhtonie pryviała da palityčnaha skandału ŭ Varšavie
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary
Zdajecca mnie, šanoŭnaje spadarstva, u vas nieadekvatnaje ŭspryniaćcio pryrody dziaržaŭnaj ułady na tle stakholmskaha syndroma