Прэзідэнт ЗША Дональд Трамп, які нядаўна абвясціў пра намер арганізаваць асабістую сустрэчу Уладзіміра Пуціна і Уладзіміра Зяленскага, вырашыў адмовіцца ад гэтай ініцыятывы. Паводле крыніц The Guardian з амерыканскай адміністрацыі, Трамп цяпер лічыць, што Масква і Кіеў павінны самі арганізаваць двубаковыя перамовы, якія, на яго думку, маглі б стаць наступным крокам да завяршэння вайны.
Крыніцы The Guardian паведамляюць, што амерыканскі прэзідэнт больш не будзе браць на сябе прамую ролю ў арганізацыі сустрэчы. Замест гэтага ён хоча далучыцца пазней — калі Пуцін і Зяленскі ўжо сустрэнуцца — і правесці трохбаковую сустрэчу пры ўдзеле ЗША.
Раней, 19 жніўня, Трамп абвясціў пра сваю ідэю пасля сустрэчы ў Белым доме з Зяленскім, а таксама з лідарамі краін Еўрасаюза і генсекам НАТА Маркам Рутэ. Заходнія СМІ паведамлялі, што ў тэлефоннай размове Пуцін папярэдне пагадзіўся на прапанову Трампа, але Крамль афіцыйнага пацвярджэння гэтаму не даў.
У той жа час міністр замежных спраў Расіі Сяргей Лаўроў адзначыў, што для такой сустрэчы патрэбная грунтоўная падрыхтоўка: усе пытанні павінны быць загадзя адпрацаваныя экспертамі і міністрамі. Паводле яго слоў, Пуцін «гатовы сустракацца і з Зяленскім», але толькі калі будзе ясна, што сустрэча мае канкрэтны сэнс і калі з украінскага боку будзе асоба з дастатковай у вачах Расіі легітымнасцю для падпісання магчымых дамоўленасцяў.
Таксама Лаўроў заявіў, што Расія не прыме праект гарантый бяспекі для Украіны, які ўключаў бы прысутнасць заходніх войскаў на яе тэрыторыі.
Паводле крыніц The Washington Post, у Крамлі не вераць у хуткае правядзенне саміту, які Трамп хацеў арганізаваць ужо да канца гэтага тыдня. У Маскве гэта лічаць праблемным, бо сустрэча магла б азначаць «пэўную легітымізацыю ўкраінскай улады». Пазіцыя Расіі такая: асабістая сустрэча Пуціна і Зяленскага магчымaя толькі пасля таго, як будуць узгоднены ўмовы дамовы, што ў версіі Масквы азначае фактычную капітуляцыю Украіны.
Такім чынам, ідэя Трампа пакуль засталася без рэальнага развіцця, і перспектывы саміту Пуцін—Зяленскі выглядаюць вельмі няпэўнымі.
Уіткаф перадаў ордэн ад Пуціна намесніцы дырэктара ЦРУ — яе сын ваяваў за Расію і загінуў
Зяленскі пракаментаваў магчымае месца сустрэчы з Пуціным
«Вы б аддалі Фларыду, Джорджыю, Вірджынію?» Прэзідэнт Фінляндыі патлумачыў амерыканцам, колькі тэрыторыі Пуцін патрабуе ад Украіны
Лаўроў запатрабаваў удзелу Расіі і Кітая ў гарантыях бяспекі Украіне
«Магчыма, я з забабонамі». Туск супраць правядзення перамоў Зяленскага і Пуціна ў Венгрыі
«Паражэнне польскай дыпламатыі». Адсутнасць палякаў у Вашынгтоне прывяла да палітычнага скандалу ў Варшаве
Цяпер чытаюць
Што вядома пра затрыманых радыёаматараў, якім пагражае аж да расстрэлу15
Каментары
Здаецца мне, шаноўнае спадарства, у вас неадэкватнае ўспрыняццё прыроды дзяржаўнай улады на тле стакгольмскага сындрома