Łukašenka nazvaŭ Nobieleŭskuju premiju dyskredytavanaj i padtrymaŭ vyłučeńnie Trampa na jaje
Padčas pres-kanfierencyi prapahandyst Ihar Tur zadaŭ Alaksandru Łukašenku pytańnie, što jon dumaje adnosna žadańnia prezidenta ZŠA Donalda Trampa atrymać Nobieleŭskuju premiju miru.
Łukašenka najpierš vykazaŭ svajo ŭłasnaje kiepskaje staŭleńnie da Nobieleŭskaj premii. Nibyta kab uźnikła ideja, što premiju treba dać jamu, to jon na heta plavać chacieŭ. Premija, maŭlaŭ, całkam dyskredytavanaja i «kamu jaje tolki nie davali, čysta palityčnaja hulnia».
U Amierycy ž, na jahonuju dumku, staŭleńnie da hetaha inšaje, tamu jon razumieje Trampa, jaki choča premiju atrymać. Ničoha ŭ hetym kiepskaha niama, a biełarusy z hetaj nahody «nie paracca». I ŭvohule Tramp, niahledziačy na svaje niejkija niedachopy, premii jakraz zasłuhoŭvaje.
«Ja ŭpeŭnieny, što jamu daduć hetuju Nobieleŭskuju premiju. Tamu što Barak Abama da jaho — uvohule tolki staŭ prezidentam, ničoha nie zrabiŭ i atrymaŭ Nobieleŭskuju premiju, jon tam raźviazaŭ niekalki vojnaŭ. A hety ž zmahajecca za mir — chaj by jon atrymaŭ hetuju Nobieleŭskuju premiju. Ja asabista za, i ŭpeŭnieny, što takoj pazicyi prytrymlivajucca mnohija. Nam heta ni horača ni choładna, chaj atrymaje. Tamu što my nie pavažajem hetu premiju», — zajaviŭ Łukašenka.
Maŭlaŭ, kudy bolš važna, kab Trampa pavažali našy ludzi, a jany jakraz natchnilisia paśla taho, jak Tramp patelefanavaŭ Łukašenku.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym2
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary