У амерыканскім горадзе Шарлот (штат Паўночная Караліна) забіта 23-гадовая грамадзянка Украіны Ірына Заруцкая. Паводле інфармацыі паліцыі, трагедыя адбылася ўвечары 22 жніўня на чыгуначным вакзале. Заруцкая атрымала смяротныя ўдары нажом і памерла на месцы.
Як паведамляе New York Post, напад здзейсніў 34-гадовы бяздомны мужчына, якога затрымалі неўзабаве пасля інцыдэнту.
Ірына Заруцкая была мастачкай і мадэллю. У ЗША яна пераехала ў 2023 годзе, уцякаючы ад вайны ва Украіне, вучылася ў каледжы. Яе смерць пацвердзіла адміністрацыя каледжа, апісаўшы Заруцкую як таленавітую і добразычлівую асобу.
Візажыстка Ульяна Казлоўская, якая працавала з Ірынай, назвала яе «прыгажуняй і сапраўднай мастачкай». Сябры дзяўчыны адзначаюць, што дзяўчына марыла пра новае жыццё ў бяспечнай краіне, але стала ахвярай жорсткага злачынства.
Паводле мясцовых СМІ, падазраваны раней быў неаднаразова судзімы: за крадзеж, узброеныя рабаванні і пагрозы. Ён быў асуджаны на 5 гадоў зняволення.
У студзені 2025 года, пасля псіхалагічнай праверкі, ён выказваў «трывожныя думкі» і сцвярджаў, што ў яго целе «штучны матэрыял», які кантралюе яго дзеянні.
Пакуль не зразумела, ці былі Заруцкая і нападнік знаёмыя. Паліцыя не выключае магчымасці выпадковага нападу. «Пакуль нам не вядома, што менавіта прывяло да трагедыі — канфлікт, выпадковая сварка ці нешта іншае», — заявіў прадстаўнік паліцыі.
«Яна пакінула Украіну, каб палепшыць сваё жыццё», — сказаў журналістам сябар сям'і Заруцкай. А ў рэшце рэшт яе забілі проста таму, што яна апынулася не ў тым месцы і не ў той час.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары