«Maja žonka čakaje dzicia, a my žyviom u padvale pry carkvie». Biełarusy prosiać dapamohi na rody ŭ emihracyi
Biełaruskaja siamja ŭ Šviecyi čakaje dzicia i prosić dapamohi — paśla 12 admoŭ jany ŭsio jašče zmahajucca za prava na žyćcio ŭ biaśpiecy.
Siarhieju 41 hod. Razam z žonkaj i synam jon amal dva hady žyvie ŭ Šviecyi — ciapier u skromnym padvale pry carkvie, dzie siamji dali časovy prytułak. I choć heta nie dom, jany ŭdziačnyja za hety šaniec. Ich hałoŭnaje vyprabavańnie — čakańnie vyrašeńnia 13-j zajavy na abaronu i padrychtoŭka da źjaŭleńnia na śviet jašče adnaho dziciaci.
Pačałosia ŭsio ŭ 2020 hodzie: Siarhiej nie zmoh źmirycca z falsifikacyjaj vybaraŭ i štodnia vychodziŭ na akcyi. 9 žniŭnia jon byŭ na Niamizie, kali siłaviki ŭpieršyniu ŭžyli śvietłašumavyja hranaty. Paźniej jaho zafiksavali na fota i videa z pratestaŭ — u tym liku z kamier z raspaznavańniem tvaraŭ na płoščy Banhałor. «U mianie prykmietnyja tatu, i majo zatrymańnie było tolki pytańniem času», — kaža jon.
U 2023 hodzie siłaviki nieadnarazova naviedvali jaho maci, a ź milicyi telefanavali na adras prapiski z «zaprašeńniami na hutarku». Razumiejučy, što aryšt — sprava času, siamja vyrašyła ŭciakać. Jany pieraadoleli bolš za 8000 kiłamietraŭ praz Rasiju, Turcyju i Hrecyju, ale ŭžo na treci dzień u Šviecyi stracili torbu z dakumientami i hrašyma.
Za hety čas mihracyjnaje ahienctva vyniesła 12 admoŭ. 3 studzienia 2025 hoda ich vysielili z łahiera dla prasicielaŭ prytułku, anulavali ŭsie vypłaty i dakumienty. Ciapier jany nie majuć ni miedycynskaj strachoŭki, ni prava na pracu, ni mahčymaści arandavać žyllo.
Niahledziačy na ŭsio, siamja nie zdajecca. Ale ciapier pierad imi novaje vyprabavańnie: u balnicy paviedamili, što rody mohuć prajści tolki praz kiesarava siačeńnie — a heta darahaja apieracyja, jakuju biez dakumientaŭ i strachoŭki nielha atrymać biaspłatna.
«Razumiejem, što nam nichto ničoha nie vinien. Ale kali niechta adhukniecca — značyć, Boh jašče z nami», — kaža Siarhiej. Jon prosić dapamohi: kab apłacić rody, pieražyć najbližejšyja miesiacy i padrychtavacca da sustrečy z novym žyćciom — u biaśpiecy.
Dapamahčy siamji možna tut. Da zaviaršeńnia zboru zastałosia try dni.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary
[Zredahavana]
Roždienije riebienka samo po siebie nie harantirujet prava na priebyvanije v Šviecii. Odnako v praktikie byvajet, čto sieḿji s dieťmi, osobienno novoroždiennymi, nie dieportirujut srazu, poskolku diejstvujet princip zaŝity intieriesov riebienka.
Hosudarstviennyje vypłaty na riebionka im nie połožieny, potomu čto oni užie połučili okončatielnyj otkaz v ubiežiŝie i lišieny vsiech prav, śviazannych s priebyvanijem v Šviecii.