Impart kazachskaj faniery ŭ Polščy ŭpaŭ na 95%. Nasamreč jana była biełaruskaj i rasijskaj
Impart «kazachskaj» faniery ŭ Polšču amal całkam abvaliŭsia — u pieršaj pałovie 2025 hoda jon upaŭ na 95% u paraŭnańni z anałahičnym pieryjadam minułaha hoda. Heta vynik dziejańniaŭ Nacyjanalnaj padatkovaj administracyi, jakaja faktyčna abmiežavała abychod sankcyj u dačynieńni da rasijskaj i biełaruskaj draŭniny, paviedamlaje Biełaruskaja redakcyja Polskaha radyjo.
Jak adznačaje vydańnie Dziennik Gazeta Prawna, biarozavaja faniera rasijskaha i biełaruskaha pachodžańnia padpadaje pad dziejańnie embarha ź lipienia 2022 hoda.
Niahledziačy na heta, jana doŭhi čas paśla taho praciahvała pastaŭlacca ŭ Polšču ŭ jakaści pradukcyi z Kazachstana, choć heta stepavaja kraina, dzie amal niama lasoŭ, i raniej Polšča adtul fanieru nie impartavała.
Pavodle haziety, miery, pryniatyja Polščaj dla abmiežavańnia impartu faniery rasijskaha i biełaruskaha pachodžańnia, dajuć vyniki. Tema źjaŭlajecca aktualnaj prynamsi z 2023 hoda, kali toje ž vydańnie paviedamiła, što niekalki polskich kampanij śpiecyjalizavalisia na imparcie «kazachskaj» faniery.
U 2024 hodzie vyniki ekśpiertyzy niamieckaj łabaratoryi Agroisolab paćvierdzili, što biarozavaja faniera, jakaja pradavałasia ŭ Polščy, vierahodna, pachodzić z zachodnich rehijonaŭ Rasii.
U studzieni 2025 hoda rasśledavańnie Earthsight zaśviedčyła, što siem ź dziesiaci najbujniejšych rasijskich eksparcioraŭ biarozavaj faniery źviazanyja z rasijskimi aliharchami i ŭsio jašče pastaŭlali jaje ŭ krainy Jeŭrapiejskaha Sajuza.
Pavodle acenak arhanizacyi, u Jeŭropu mahła trapić nielehalnaja rasijskaja faniera na sumu 1,5 miljarda jeŭra, ź jakich 669 miljonaŭ jeŭra prypadaje na Polšču. Adnak, jak adznačaje Dziennik Gazeta Prawna, situacyja ŭ apošnija miesiacy značna źmianiłasia.
Novy celułozna-kardonny kambinat buduć budavać u Dubrovienskim rajonie
Znoŭ uvodziać abmiežavańni na ŭvoz u Biełaruś draŭniny
Padsankcyjnaja biełaruskaja draŭnina kantrabandaj traplaje ŭ Vialikabrytaniju
«Tolki biznes, ničoha palityčnaha». Jeŭrapiejskija biznesmieny pryhladajucca da padsankcyjnaj Biełarusi
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary