U rasijskaj siamji, dzie maci pamierła na mahile ŭdzielnika vajny va Ukrainie, praciahnuŭsia łancužok śmierciaŭ
Pamior starejšy syn žančyny z Zabajkalla, jakaja try dni tamu pamierła na mahile małodšaha syna, jaki zahinuŭ na vajnie z Ukrainaj. 28-hadovy Jaŭhien Šarypaŭ pamior 27 žniŭnia — na nastupny dzień paśla pachavańnia maci, piša miascovaje vydańnie Chita.ru.
Heta ŭžo treciaje pachavańnie ŭ hetaj siamji za miesiac. Paśla raźvitańnia z maci na darozie dadomu maładomu mužčynu stała kiepska. Jon spyniŭsia ŭ svajakoŭ, jakija niekalki razoŭ vyklikali chutkuju dapamohu, ale miedyki nie pryjechali i prapanavali čakać fielčara. U vyniku mužčyna pamior ad jazvy, jakaja, pa słovach susiedziaŭ, abvastryłasia na fonie mocnaha stresu.
Siamja ŭ svoj čas hetaha chłopca ŭsynaviła, ale zaŭsiody staviłasia da jaho jak da rodnaha. Jon skončyŭ miascovuju škołu i vučylišča, byŭ žanaty, žyŭ asobna, ale rehularna naviedvaŭ baćkoŭ, asabliva paśla hibieli brata.
Ciapier u siamji zastalisia baćka-invalid i dva niepaŭnaletnija syny 15 i 16 hadoŭ. Pachavańnie starejšaha syna adbudziecca 30 žniŭnia pobač z mahiłaj maci.
Kamientary