Da žniŭnia 2025 hoda na vajnie zahinuła kala 220 tysiač rasijan — acenka «Miedyjazony» i «Mieduzy»
Hetaja ličba nie adlustroŭvaje ŭsie straty: daloka nie pra kožnuju śmierć stanovicca viadoma publična.
Da žniŭnia 2025 hoda rasijskija straty ŭ vajnie z Ukrainaj skłali kala 220 tysiač čałaviek zabitymi. Da takoj vysnovy pryjšli «Mieduza» i «Miedyjazona», vyvučyŭšy danyja ab stratach pa imiannym śpisie zahinułych i pa rejestry spadčynnych spraŭ.
U imiannym śpisie zahinułych na kaniec žniŭnia 2025 hoda — 125 681 čałaviek. Žurnalisty viaduć jaho pa adkrytych krynicach (niekrałohi, paviedamleńni ŭ ŚMI i hetak dalej). Vidavočna, što hetaja ličba nie adlustroŭvaje ŭsie straty: daloka nie pra kožnuju śmierć stanovicca viadoma publična.
Raźličyć realnuju kolkaść zahinułych mahčyma dziakujučy hetamu śpisu i dziaržaŭnamu rejestru spadčynnych spraŭ.
Padčas pracy z RSS (Rejestr spadčynnych spraŭ) žurnalisty vyjavili novy rekord mužčynskaj śmiarotnaści ŭ listapadzie 2024 hoda — kala 3 tysiač čałaviek na tydzień.
Pakul z upeŭnienaściu nie možam skazać, što straty ŭ kancy 2024 hoda sapraŭdy byli nastolki vysokija — kaniec hoda znachodzicca na toj miažy, dzie dakładnaść našaha raźliku pačynaje padać.
Adno z mahčymych tłumačeńniaŭ — heta toje, što z druhoj pałovy 2024 hoda ŭ rasijskija sudy masava pačali pastupać iski ab pryznańni vajskoŭcaŭ źnikłymi bieź viestak abo zahinułymi.
Da pačatku žniŭnia ŭ sudach akazałasia kala 50 tysiač takich zajaŭ, jakija źviazany z vajennymi. Prosta ciapier sudy pryznajuć źnikłymi abo zahinułymi bolš za 250 čałaviek kožny dzień, što supastaŭna z kolkaściu zahinułych u dzień na froncie.
«Miedyjazona» padrabiazna pisała pra hety praces: najčaściej hetyja iski padajuć pradstaŭniki Ministerstva abarony — im nieabchodna vyklučyć źnikłaha padčas bajavoha zadańnia (h.zn. faktyčna zahinułaha) bajca sa śpisaŭ asabovaha składu.
Kamientary