Pinčanka, što rassyłała pa pošcie makułaturu nakładnym płaciažom, atrymała realny termin
40-hadovaja žycharka Pinska atrymała 5 hadoŭ kałonii za arhanizacyju maštabnaj machlarskaj schiemy praz koł-centr. Jak ustanaviŭ sud, žančyna arandavała pamiaškańnie ŭ centry horada, adčyniła tam koł-centr i praź jaho padmanam atrymlivała hrošy ŭ socień ludziej pa ŭsioj krainie, piša Onliner.by.
Apieratary paviedamlali pa telefonie, što čałaviek nibyta staŭ pieramožcam akcyi internet-kramy «Tavary dla domu» i vyjhraŭ darahuju techniku. Kab atrymać pryz, treba było tolki apłacić košt dastaŭki. Paśla zhody adrasatam dasyłali pasyłki nakładnym płaciažom — ad 3 da 79,60 rubla.
Unutry zamiest techniki znachodzilisia padarunkavyja siertyfikaty, katałohi i inšaja makułatura. Pasyłki byli ŭpakavanyja tak, kab pa vazie i pamiery nahadvać skryni z sapraŭdnymi hadžetami. Da apłaty raskryć ich było niemahčyma.
Hrošy ad nakładnych płaciažoŭ pastupali na rachunki, aformlenyja na padstaŭnych IP i fiktyŭnuju firmu. Siertyfikaty, što ŭkładalisia ŭ pasyłki, nielha było abmianiać: tavary abo adsutničali na składzie, abo dastaŭka patrabavała dadatkovaj apłaty, abo atrymalnikam i zusim ničoha nie dasyłali.
Idzie havorka pra tuju samuju historyju, pra jakuju pisałasia letam 2024 hoda: tady śledstva paviedamlała, što ad dziejańniaŭ schiemy paciarpieła bolš za 49 tysiač čałaviek, suma škody była bolš za 2 miljony rubloŭ, a ŭ samim koł-centry pracavała bolš za 100 čałaviek.
Ciapier sud razhledzieŭ spravu ŭ dačynieńni adnoj z arhanizatarak — i aficyjna pryznaŭ paciarpiełymi 798 čałaviek.
Sama žančyna vinu nie pryznała. Sud pryznačyŭ joj 5 hadoŭ pazbaŭleńnia voli ŭ kałonii ahulnaha režymu i štraf u pamiery 14 700 rubloŭ (350 bazavych vieličyń). Taksama ź jaje spahnana bolš za 12 tysiač rubloŭ na karyść paciarpiełych.
Prysud pakul nie ŭstupiŭ u zakonnuju siłu i moža być abskardžany.
-
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie
-
Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
-
«Takoje ž pošłaje i durnoje». U Łatuški adkazali na novaje videa Volhi Karpušonak
Ciapier čytajuć
Delehatka KR Karpušonak paśla maŭčańnia apublikavała videa14
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary