Rasijski prapahandyst Uładzimir Sałaŭjoŭ zarabiŭ na prapahandzie vajny va Ukrainie za dva hady bolš za 370 tysiač dalaraŭ
Uładzimir Sałaŭjoŭ na prapahandzie vajny zarabiŭ za dva hady bolš za 30 młn rasijskich rubloŭ (kala 370 tysiač dalaraŭ). Jaho zarobak na kanale «Rasija 1» dasiahaje 15 tysiač dalaraŭ u miesiac, a padarožničaje jon razam z kachankaj-baskietbalistkaj, piša telehram-kanał «Možiem objaśniť».
Pra heta śviedčać danyja pra dachody Sałaŭjova za pieryjad z sakavika 2023 pa červień 2025 hoda, jakija «MO» pradastaviła krynica ŭ viedamstvie.
12,6 młn rasijskich rubloŭ (155 tysiač dalaraŭ) prapahandyst atrymaŭ ad telekanała «Rasija 1», dzie vychodzić prahrama «Viečar z Uładzimiram Sałaŭjovym». Jašče 18,5 młn rubloŭ (231 tysiača dalaraŭ) — ad chołdynhu VHTRK (u jaho ŭvachodzić taja ž «Rasija 1», a taksama radyjostancyja «Viesti FM», dzie vychodzić prahrama Sałaŭjova «Połnyj kontakt»). Na «Rasii 1» Sałaŭjoŭ atrymlivaŭ ad 240 tys. da 1,2 młn rubloŭ u miesiac ($3 tysiačy — 15 tysiač). U VHTRK — ad 720 tys. da 900 tys. rubloŭ u miesiac ($9—11 tysiač).
Zaroblenaje na prapahandzie jon aktyŭna pamnažaje. Svaje dachody prapahandyst trymaje na ŭkładach u Śbierbanku — pavodle danych na studzień 2025 hoda, na jaho rachunkach znachodzicca 45,6 młn rubloŭ (560 tysiač dalaraŭ), vynikaje ź źlivaŭ z FNS. Pa ŭkładach jon zarablaje 21% hadavych.
Sałaŭjoŭ, vierahodna, pakinuŭ svaju žonku Elhu Sep, ź jakoj byŭ u šlubie z 2001 hoda. U šlubie z televiadučym u ich naradzilisia 5 dziaciej. Vysnovu pra ciapierašniuju kachanku Sałaŭjova možna zrabić dziakujučy danym pra padarožžy prapahandysta. U pajezdkach na ciahnikach 61-hadovaha prapahandysta supravadžaje 45-hadovaja baskietbalistka Śviatłana Abrasimava (na fota).
Tak, 16 červienia 2022 hoda prapahandyst i jaho kachanka razam jechali ciahnikom z Maskvy ŭ Sankt-Pieciarburh. Taksama Sałaŭjoŭ i Abrasimava razam branirujuć avijabilety — u tym ža červieni 2022-ha jany nabyli bilety z Sankt-Pieciarburha ŭ Maskvu na adzin rejs kampanii «Aerafłot».
Hetyja danyja paćviardžajuć rasśledavańnie FBK, zhodna ź jakim u Sałaŭjova jość tajnaja siamja z dvuma dziećmi: Abrasimava naradziła ich u ZŠA. Kali b Sałaŭjoŭ vyrašyŭ uzakonić svajo ciapierašniaje siamiejnaje stanovišča, razvod z Sep pavinien adbycca praz sud. Adnak u bazie pakul niama danych pra ich razvod.
Kamientary
Otdielno on jeŝio vypuskajet dokumientalnyje filmy pro Vierchovnyj sud i t.d.