U aeraporcie Vilni z-za drona zatrymałasia pasadka samalota z prezidentam Litvy
Samalot Spartan z prezidentam Hitanasam Naŭsiedam na borcie niekatory čas nie moh pryziamlicca ŭ Vilenskim aeraporcie — mierkavana z-za vyjaŭlenaha bieśpiłotnika, paviedamlaje LRT.
«Pry nabližeńni da Vilenskaha aeraporta pastupiła infarmacyja pra vyjaŭleńnie bieśpiłotnika i pra toje, što pasadka pakul niebiaśpiečnaja. Piłoty pryniali ŭsie miery biaśpieki i praź niekatory čas ździejśnili pasadku», — paviedamiŭ pres-sakratar prezidenta Tomas Bieržynskas partału 15min.
Pavodle danych płatformy Flightradar24, samalot vylecieŭ z Chielsinki a 19:10, pačaŭ kružyć nad Vilniaj i pryziamliŭsia ŭ 21:17.
Kampanija Oro navigacija udakładniła, što paviedamleńnie pra dron nad rajonam Lepkalnis, što prymykaje da aeraporta, pastupiła ad Słužby avijacyjnaj biaśpieki Lietuvos oro uostai.
«Zatym byli aktyvavanyja pracedury biaśpieki: paloty byli nienadoŭha prypynieny, a paśla atrymańnia infarmacyi pra adsutnaść pahrozy ruch adnaviŭsia. My sumiesna ź inšymi słužbami vyśviatlajem, jaki mienavita dron parušyŭ ruch samalotaŭ», — havorycca ŭ kamientary kampanii.
U kancy žniŭnia paloty ŭ Vilenskim aeraporcie taksama časova prypynialisia z-za drona. Tady mierkavałasia, što jon naležaŭ pryvatnaj achoŭnaj kampanii Ekskomisaru biuras, adnak jaje kiraŭnik Vitaŭtas Łabiackas heta abvierh.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»14
Kamientary