Ad «šykoŭnaha hatela» da adnoj prybiralni na pavierch. U jakich internatach sioleta žyvuć studenty VIDEA

BDU

@_nadinegorova_ Obzor na obŝiežitije nomier 4 BHU. Studienčieskaja dierievnia na Pietrovŝinie. #riek #bhu #studdierievnia #obŝiežitije #4 ♬ Mörka Skogar - Drömland

Supracoŭnica internata №4 BDU, što na Piatroŭščynie, pakazała ŭ tyktoku, jakija tam umovy. Błok u hetym internacie składajecca z dvuch pakojaŭ — na dva i čatyry łožki adpaviedna. Jość i kuchnia z prybiralniaj i dušavoj.

U kamientarach paznali špalery — maŭlaŭ, takija byli ŭ internacie jašče ŭ 2019-m, kali padčas Jeŭrapiejskich hulniaŭ tam žyli zamiežnyja spartoŭcy.

Inšy internat BDU, što pad numaram 6, vyhladaje bolš ścipła:

@is.gender

obzor vnutri N6 obŝiežitije BHU

♬ orihinalnyj zvuk - prosto Iskandier

U roliku z hetaha internata demanstrujuć pakoj na try čałavieki, prosta ŭ pakoi staić chaładzilnik. U studentaŭ taksama jość prybiralnia, dušavaja i kuchnia — ale miarkujučy pa videa, jany majuć tolki pa adnym takim pamiaškańni na pavierch.

BDUZM

@ksyhaab #obŝaha #bhuija ♬ orihinalnyj zvuk - RUSRADIO

Novaśpiečanaja studentka byłoha Linhvistyčnaha ŭniviersiteta pakazała ŭ svaim roliku adzin z pakojaŭ tamtejšaha internata. Abstalavańnie ŭ pakoi padobnaje da inšych internataŭ — try łožki, piśmovy stoł i šafy. Usio vyhladaje novym, u dadatak dziaŭčaty atrymali fajny vid z akna.

BDUKM

@darixami #bhuki #obŝaha #obŝiežitijebhuki ♬ Originalton - greywiese

Nievialički rolik ź internata zapisała i studentka Univiersiteta kultury i mastactvaŭ. U videa trapiŭ dvuchpaviarchovy łožak, šafa i jarkija ścieny, pafarbavanyja ŭ žoŭty i błakitny kolery. Zaŭvažna, što ramont u internacie daŭno nie rabili.

Aŭtarka videa robić aptymistyčnuju vysnovu: «Niavažna, jakija ścieny, hałoŭnaje, što ŭ centry Minska».

BDEU

@d.sharikhina BHEU kormit:)#obŝaha#bheu#minsk#pieriejezd #fypシ゚ ♬ orihinalnyj zvuk - RUSRADIO

U internacie BDEU №1 možna atrymać u karystańnie vialiki pakoj usiaho na dvuch čałaviek. Jašče adzin plus — toje, što heta internat błočnaha typu, to-bok dušavaja, kuchnia i prybiralnia jość prosta ŭ błoku, a nie niedzie na kalidory.

BDPU 

@wellwt.n Nie 8, no tožie chorošo #postuplenije #bhpu #obŝaha #riekomiendacii ♬ orihinalnyj zvuk - RUSRADIO

Niekatoryja studenty Piedahahičnaha ŭniviersiteta sioleta buduć žyć u internacie №5, heta internat błočnaha typu. U kadr studentki trapiŭ pakoj z dvuma łožkami. Bačna, što nie ŭsia mebla ŭ pakoi novaja, ale pry hetym pamiaškańnie vyhladaje čystym, a mebla ŭ dobrym stanie.

«Navat pryhožyja špalery jość», — zachaplajecca adna z kamientatarak.

BDUFK

@barashshka #obŝaha #bhufk #recommendations ♬ orihinalnyj zvuk - RUSRADIO

Studentam Univiersiteta fizičnaj kultury prapanavali internat, ad jakoha kamientatary ŭ zachapleńni — maŭlaŭ, «šykoŭny hatel»! 

U videa ź internata bačny błok z dvuch pakojaŭ: u adnym ź ich try łožki, u druhim — dva. Taksama jość dušavaja, prybiralnia i kuchnia, mebla i technika vyhladajuć čystymi i novymi, a ŭ jakaści bonusu studenty atrymlivajuć šykoŭny vid z akna. U kamientarach tolki narakajuć, što na voknach niama firanak, ale aŭtar videa supakojvaje — ich chutka abiacajuć vydać.

BDTU

@asssyua nakoniec-to obŝaha čiełoviečieskaja#obŝaha #bhtu #pietrovŝina #23etaž #všikarnomotiele ♬ orihinalnyj zvuk - RUSRADIO

Studentka BDTU paraŭnoŭvaje svoj internat, što na Piatroŭščynie, z šykoŭnym hatelem. Dziaŭčyna atrymała miesca ŭ błoku, dzie, miarkujučy pa ŭsim, dva žyłyja pakoi, ale pakazvaje tolki adzin ź ich — vierahodna, toj, u jakim žyvie. Heta pakoj na dva čałavieki, tak što ŭmovam dziaŭčyny pazajzdrościać šmat studentaŭ.

Dziaŭčyna ŭdakładniaje ŭ kamientarach, što nasamreč hety internat naležyć BDEU, ale jaje ŭniviersitet aranduje ŭ narhasa piać pavierchaŭ budynka — i aŭtarcy rolika dastałasia miesca na adnym ź ich.

• 1
• 1
• 0
• 2
• 0
• 0
• 0
• 0