Łatuška zapeŭnivaje, što infarmacyja pra ŭzłom jaho pošty — fejk. Ale dostup da skryniaŭ mieła źnikłaja Mielnikava
Biełaruskija prapahandysty raspaŭsiudžvajuć infarmacyju pra toje, što chakiery nibyta ŭzłamali paštovuju skryniu Paŭła Łatuški i zavałodali piersanalnymi danymi ludziej, jakija da jaho źviartalisia. Ananimnyja akaŭnty dasłali «paroli» ad hetaj pošty i ŭ «Našu Nivu» — ale hetyja paroli nieaktulnyja.
Śćviardžajecca, što chakieram nibyta ŭdałosia atrymać paroli ad troch elektronnych skryniaŭ Paŭła Łatuški i jaho Narodnaha kryzisnaha ŭpraŭleńnia.
U jakaści dokazu pryvodzicca skrynšot lista, jaki byŭ dasłany na mejł NAU ŭ pačatku lipienia 2025 hoda.
Biełaruskija prapahandysty, a taksama kanśpirołahi kštałtu błohiera Vitala «Virusa» Kandracienki zapeŭnivajuć, što ŭzłom adbyŭsia kala paŭhoda tamu, i chakiery, maŭlaŭ, mahli sačyć za poštaj Łatuški ŭsie hetyja miesiacy. Paćvierdžańnia hetamu pakul niama.
Narodnaje antykryzisnaje ŭpraŭleńnie adreahavała na hetyja śćviardžeńni i zajaviła, što ŭzłomu nie było, a sistema biaśpieki NAU nie fiksavała ničoha padobnaha.
Jak śćviardžaje NAU, infarmacyja pra atrymańnie parolaŭ da troch akaŭntaŭ, źviazanych z NAU i asabista Łatuškam, nie źjaŭlajecca aktualnaj. Raniej hetyja paroli sapraŭdy byli aktualnymi, ale sistemy biaśpieki i dostupu ŭ ich pastajanna manitoracca.
Źnikłaja śpikierka Kaardynacyjnaj rady i supracoŭnica NAU Anžalika Mielnikava nasamreč mieła dostup da nazvanych akaŭntaŭ, adnak raspaŭsiudžany skrynšot lista, jaki nibyta zrobleny ŭ adnym z hetych akaŭntaŭ, nie maje da ich dačynieńnia.
Kamanda NAU śćviardžaje: list anałahičnaha źmiestu sapraŭdy pryjšoŭ na poštu [email protected] 4 lipienia 2023 hoda, ale jość istotnyja adroźnieńni sa skrynšotam. Da taho ž u aryhinale list mieŭ prymacavany fajł, jakoha niama na skrynšocie.
Na skrynšocie ŭ pravym vierchnim kutku pusty avatar, što nie adpaviadaje ajdentycy avataraŭ NAU ŭ pracoŭnych akaŭntach. Da taho ž adsutničaje markier «Źniešnija atrymalniki», jaki aŭtamatyčna pakazvajecca na ŭsich listavańniach sa źniešnimi kantaktami.
Roznyja avatarki adpraŭnika i zamazanaja kolkaść uvachodnych paviedamleńniaŭ i čarnavikoŭ na skrynšocie taksama, jak śćviardžajecca, śviedčać pra jaho niesapraŭdnaść.
Takim čynam, vizualny analiz paćviardžaje, što skrynšot nie źjaŭlajecca dokazam dostupu da akaŭntaŭ NAU. Na hety momant možna śćviardžać, što pabočnyja asoby nie majuć dostupu da akaŭntaŭ NAU, raspaŭsiudžanaja infarmacyja pra ŭzłom — falšyvaja, a skrynšot — sfabrykavany, śćviardžajuć u NAU.
Razam z tym zastajecca nieviadomym, ci dostup da akaŭntaŭ, jaki mieła źnikłaja Anžalika Mielnikava, atrymlivali i biełaruskija śpiecsłužby.
Łatuška: Zajava Karpušonak u palicyju Ispanii — poŭny pravavy absurd
Karpušonak pryznała, što pieramahčy Łatušku ŭ samoj saboj zadadzienym farmacie joj nie pa siłach
Paŭłu Łatušku prysłali biełaruskamoŭny list z zapałochvańniami i paradami, što rabić
«Łatuška, ty ŭlip pa poŭnaj». Pavieł Łatuška raskazaŭ pra novy list z pahrozami
Ciapier čytajuć
Dyrektarka etałonnaha kałhasa ŭ Dobrušy 12 hadoŭ chavała padziež i źbivała padnačalenych. Adnaho sprabavała nakarmić siłasam26
Kamientary
2. Zaŭvaha pra markier "źniešnich atrymalnikaŭ" taksama słušnaja, i pra hetuju asablivaść Workspace mahli zabyć tyja, chto padrabiŭ skrynšot.
3. U karystalnika "Ivan Straškievič" zaraz inšy avatar: panel aŭto. Skrynšot moh być zrobleny abo padrobleny raniej.
4. Zamazali kolkaść piśmaŭ, kab nielha było zrazumieć, kali zrobleny skrynšot, abo abvierhnuć, u vypadku, kali jon padrobleny.
5. Možna zapytać u "Viasny" ([email protected] - inšy adrasat piśma), ci atrymlivali jany ŭ hetuju datu mienavita takoje piśmo i ci byŭ tam prykładzieny fajł.
6. Navina nash-dom.info, spasyłka na jakuju ŭ tekście piśma, była napisana Karač 2023.07.03, za dzień da piśma ŭ 2023-m, ale nie ŭ 2025-m hodzie. Voś heta byŭ zusim tupy prakoł.