Латушка запэўнівае, што інфармацыя пра ўзлом яго пошты — фэйк. Але доступ да скрыняў мела зніклая Мельнікава
Беларускія прапагандысты распаўсюджваюць інфармацыю пра тое, што хакеры нібыта ўзламалі паштовую скрыню Паўла Латушкі і завалодалі персанальнымі данымі людзей, якія да яго звярталіся. Ананімныя акаўнты даслалі «паролі» ад гэтай пошты і ў «Нашу Ніву» — але гэтыя паролі неактульныя.
Сцвярджаецца, што хакерам нібыта ўдалося атрымаць паролі ад трох электронных скрыняў Паўла Латушкі і яго Народнага крызіснага ўпраўлення.
У якасці доказу прыводзіцца скрыншот ліста, які быў дасланы на мэйл НАУ ў пачатку ліпеня 2025 года.
Беларускія прапагандысты, а таксама канспіролагі кшталту блогера Віталя «Віруса» Кандраценкі запэўніваюць, што ўзлом адбыўся каля паўгода таму, і хакеры, маўляў, маглі сачыць за поштай Латушкі ўсе гэтыя месяцы. Пацверджання гэтаму пакуль няма.
Народнае антыкрызіснае ўпраўленне адрэагавала на гэтыя сцвярджэнні і заявіла, што ўзлому не было, а сістэма бяспекі НАУ не фіксавала нічога падобнага.
Як сцвярджае НАУ, інфармацыя пра атрыманне пароляў да трох акаўнтаў, звязаных з НАУ і асабіста Латушкам, не з’яўляецца актуальнай. Раней гэтыя паролі сапраўды былі актуальнымі, але сістэмы бяспекі і доступу ў іх пастаянна маніторацца.
Зніклая спікерка Каардынацыйнай рады і супрацоўніца НАУ Анжаліка Мельнікава насамрэч мела доступ да названых акаўнтаў, аднак распаўсюджаны скрыншот ліста, які нібыта зроблены ў адным з гэтых акаўнтаў, не мае да іх дачынення.
Каманда НАУ сцвярджае: ліст аналагічнага зместу сапраўды прыйшоў на пошту [email protected] 4 ліпеня 2023 года, але ёсць істотныя адрозненні са скрыншотам. Да таго ж у арыгінале ліст меў прымацаваны файл, якога няма на скрыншоце.
На скрыншоце ў правым верхнім кутку пусты аватар, што не адпавядае айдэнтыцы аватараў НАУ ў працоўных акаўнтах. Да таго ж адсутнічае маркер «Знешнія атрымальнікі», які аўтаматычна паказваецца на ўсіх ліставаннях са знешнімі кантактамі.
Розныя аватаркі адпраўніка і замазаная колькасць уваходных паведамленняў і чарнавікоў на скрыншоце таксама, як сцвярджаецца, сведчаць пра яго несапраўднасць.
Такім чынам, візуальны аналіз пацвярджае, што скрыншот не з’яўляецца доказам доступу да акаўнтаў НАУ. На гэты момант можна сцвярджаць, што пабочныя асобы не маюць доступу да акаўнтаў НАУ, распаўсюджаная інфармацыя пра ўзлом — фальшывая, а скрыншот — сфабрыкаваны, сцвярджаюць у НАУ.
Разам з тым застаецца невядомым, ці доступ да акаўнтаў, які мела зніклая Анжаліка Мельнікава, атрымлівалі і беларускія спецслужбы.
Латушка: Заява Карпушонак у паліцыю Іспаніі — поўны прававы абсурд
Карпушонак прызнала, што перамагчы Латушку ў самой сабой зададзеным фармаце ёй не па сілах
Паўлу Латушку прыслалі беларускамоўны ліст з запалохваннямі і парадамі, што рабіць
«Латушка, ты ўліп па поўнай». Павел Латушка расказаў пра новы ліст з пагрозамі
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
2. Заўвага пра маркер "знешніх атрымальнікаў" таксама слушная, і пра гэтую асаблівасць Workspace маглі забыць тыя, хто падрабіў скрыншот.
3. У карыстальніка "Иван Страшкевич" зараз іншы аватар: панэль аўто. Скрыншот мог быць зроблены або падроблены раней.
4. Замазалі колькасць пісьмаў, каб нельга было зразумець, калі зроблены скрыншот, або абвергнуць, у выпадку, калі ён падроблены.
5. Можна запытаць у "Вясны" ([email protected] - іншы адрасат пісьма), ці атрымлівалі яны ў гэтую дату менавіта такое пісьмо і ці быў там прыкладзены файл.
6. Навіна nash-dom.info, спасылка на якую ў тэксце пісьма, была напісана Карач 2023.07.03, за дзень да пісьма ў 2023-м, але не ў 2025-м годзе. Вось гэта быў зусім тупы пракол.