Tramp zajaviŭ pra razmovu z Pucinym najbližejšym časam i pra «dobry dyjałoh» ź im
Prezident ZŠA paśla razmovy pa telefonie ŭ čaćvier z Uładzimiram Zialenskim płanuje ŭ najbližejšy čas razmovu z Uładzimiram Pucinym. Pra heta Tramp zajaviŭ padčas viačery z kiraŭnikami najbujniejšych suśvietnych IT-kampanij u Biełym domie, paviedamlaje «Interfaks-Ukraina».
U Trampa spytali, ci płanuje jon «paśla telefonnaha zvanka da prezidenta Ukrainy Zialenskaha» ŭ najbližejšy čas pahavaryć z Pucinym?
«Tak, płanuju. My viadziem vielmi dobry dyjałoh. Ja ŭrehulavaŭ siem vojnaŭ. Tuju, jakaja, na maju dumku, pavinna była być adnoj z samych lohkich… Vy viedajecie hetaje adčuvańnie, kali dumaješ, što niešta budzie praściej. Akazvajecca, što heta krychu składaniej. Ale taja, jakaja, na maju dumku, pavinna była być lahčejšaj, z-za maich adnosinaŭ z Pucinym, z Ukrainaj i ŭsio takoje…
Ja dumaŭ, što heta budzie katastrofa (ŭ adnosinach — red.) pamiž Rasijaj i Ukrainaj, dzie na hetym tydni zahinuli 7014 čałaviek. U bolšaści vypadkaŭ heta sałdaty, niekalki (mirnych — red.) z Kijeva, adnosna niašmat, ale ŭ asnoŭnym sałdaty. I jany hinuć u takich maštabach, jakich my nie bačyli z časoŭ Druhoj suśvietnaj vajny», — skazaŭ prezident ZŠA.
Jon dadaŭ, što vajna Rasii suprać Ukrainu akazałasia samaj składanaj.
«Vy viedajecie, ja ŭrehulavaŭ try vajny. Adna ciahnułasia 31 hod. Šmat ludziej zahinuła, 10 miljonaŭ čałaviek. Inšaja ciahnułasia 34 hady, a jašče adna — 37 hadoŭ. Jany praciahvalisia, i ludzi kazali, što ich niemahčyma vyrašyć, a ja ich vyrašyŭ. Hetaje zadańnie (vajna RF suprać Ukrainy — red.) akazałasia bolš składanym, ale my jaho vyrašym. My ŭsio ŭrehulujem», — upeŭnieny Donald Tramp.
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ4
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary
On, nie možiet zastaviť siebia skazať PRAVDU, kotoraja jesť v tom, čto putin nie sohłašajetsia na pieriemirije, a pod mirom ponimajet połnuju kapitulaciju Ukrainy na svoich usłovijach !