Adnačasova z rekanstrukcyjaj Čyrvonaha kaścioła ŭ Minsku (śviatych Symona i Aleny) vakoł chrama budujuć šeruju ścianu, zaŭvažyli vierniki. Heta budučaja aharodža, jakaja źjavicca kala kaścioła, piša katolik.life.
Raniej jaje nie było, a ciapier vid na chram budzie častkova zakryty. Aharodža była vakoł kaścioła tolki z samaha pačatku, kali chram byŭ pabudavany, bolš za sto hadoŭ tamu.
U dakumientacyi tendaru pa rekanstrukcyi jość list Ministerstva kultury, u jakim havorycca pra «adnaŭleńnie aharodžy na padstavie materyjałaŭ navukova-daśledčych prac z vykarystańniem aŭtentyčnych słupoŭ i vierchnich elemientaŭ, adnaŭleńniem stračanych kavanych elemientaŭ». Adnak na starych zdymkach bačna, što kavanych elemientaŭ na aharodžy nie było.
Pavodle słoŭ ekśpierta, ad histaryčnaj aharodžy sapraŭdy zastalisia aŭtentyčnyja frahmienty ŭ vyhladzie butyravanaj ściany i čatyroch kamiennych słupoŭ. Ale takich «elemientaŭ», jakija ŭstaloŭvajuć ciapier, aharodža nie mieła — heta bačna na niekalkich starych zdymkach. Bolš za toje, u aharodžy daŭno niama nijakaj patreby, tamu ideja ź jaje adnaŭleńniem vyhladaje jak sproba «nakrucić kaštarys»:
«Z boku płoščy rezka panizili ŭzrovień darohi i atrymaŭsia pierapad vyšyń. Byłaja aharodža, jakaja składałasia z roŭnych doŭhich stalnych prentaŭ, abaraniała ad koniej i vypadkovaj žyvioły. A ciapier navošta jana? Padajecca, što prydumali, jak zarabić na prajekcie».
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»18
Kamientary