Kiraŭnik akupavanaj Chiersonščyny napisaŭ pra pastaŭki ź Biełarusi miedtechniki, ale prailustravaŭ heta dziŭna
«Abmiarkoŭvajem pastaŭki sučasnaha miedycynskaha abstalavańnia dla našych balnic», — śćviardžaŭ Uładzimir Salda ŭ svaim kanale, pry hetym na prykładzienych fota jon i jahonyja paplečniki niekudy celacca sa strałkovaj zbroi.
«Naviedali AAT «Biełaruskaje optyka-miechaničnaje abjadnańnie» — pradpryjemstva z bahataj historyjaj, jakoje vyrasła ź Minskaha miechaničnaha zavoda imia S. I. Vaviłava.
Dla Chiersonskaj vobłaści supracoŭnictva z takim pieradavym partnioram maje asablivaje značeńnie. Abmiarkoŭvajem pastaŭki sučasnaha miedycynskaha abstalavańnia dla našych balnic, zapusk sumiesnaj vytvorčaści aptyčnych miedycynskich pryboraŭ, stvareńnie novych pracoŭnych miescaŭ», — kamientuje zroblenyja padčas vizitu ŭ Minsk vajaŭničyja fota kiraŭnik akupacyjnaj administracyi Chiersonskaj vobłaści Uładzimir Salda.
Paśla jon uvohule vydaliŭ post pra naviedvańnie zavoda Vaviłava ŭ Minsku.
Na sustreču Alaksandra Łukašenki z delehacyjaj na čale z Salda i jahonyja słovy pra akupavanuju častku Chiersonščyny adreahavała ŭkrainskaje MZS.
Va ŭkrainskim viedamstvie nazvali «haniebnymi» jak sam fakt sustrečy, tak i vykazvańni Łukašenki pra hetuju terytoryju jak pra «novy rehijon» Rasii i jaho hatoŭnaść padtrymlivać akupacyjny režym i handlavać ź im.
Ukrainskija dypłamaty nahadali, što pavodle mižnarodnaha prava ŭsie ździełki z akupacyjnymi ŭładami źjaŭlajucca nikčemnymi i buduć mieć vyklučna niehatyŭnyja nastupstvy dla Biełarusi. Ukraina pakidaje za saboj prava adekvatna reahavać, u tym liku praz uzmacnieńnie sankcyj i pahłybleńnie mižnarodnaj izalacyi aficyjnaha Minska.
Asobna adznačyli i słovy Łukašenki, što jon «saviecki čałaviek» i nibyta ličyć Ukrainu i Chiersonščynu «svajoj ziamloj». U MZS nahadali, što SSSR bolš za try dziesiacihodździ tamu źnik, i «tudy ž, na śmietnik historyi», rana ci pozna trapiać i sam Łukašenka, i jaho siońniašnija hości. Ukraina ž, padkreślili ŭ viedamstvie, była i budzie adzinaj u svaich mižnarodna pryznanych miežach.
Da «Dnia narodnaha adzinstva» pamiłavali 25 čałaviek4
Kamientary
Dyk voś "kałabaranty/zdradniki" – heta balšavickaja i zaraz sučasna biełaruskaja (łukašenkaŭskaja) viersija padziej. Ale kali pahladzieć z boku biełaruskaha? Balšaviki akupanty? Nu tak... BNR (jak i UNR, jak i prota ŭrady Polščy, krain Bałtyi) paŭstała pry "pieršych" niemcach?Tak. Dyk čamu ž biełaruskija dziejačy nie mahli iznoŭ pasprabavać pajści na supracu ź niemcami z metoj stvareńnia niezaležnaj Biełarusi ci kab zdabyć navyki i srodki dla baraćby suprać balšavikoŭ?
Bolš taho balšivckaja rasieja - jak minimum taksama akupant. Dyk čamu ž ty nie pryvodziš u prykład prarasiejskich ci prabalšavickich "kałabarantaŭ"?