U Hrecyi padniali na pavierchniu rečy z karabla — «brata» «Tytanika»
U Hrecyi ŭpieršyniu padniali na pavierchniu rečy z zatanułaha łajniera «Brytanik», jaki ličycca «bratam» sumnaviadomaha «Tytanika». Abodva karabli ŭvachodzili ŭ sieryju transatłantyčnych łajnieraŭ kampanii White Star Line, paviedamlaje The Guardian sa spasyłkaj na Ministerstva kultury Hrecyi
«Brytanik» byŭ pabudavany jak pasažyrski łajnier, ale padčas Pieršaj suśvietnaj vajny jaho rekvizavali dla patreb brytanskaha fłotu i pieraabstalavali ŭ špitalnaje sudna.
U listapadzie 1916 hoda kala vostrava Kieja ŭ Ehiejskim mory karabiel padarvaŭsia na niamieckaj minie i patanuŭ mienš čym za hadzinu. Z bolš jak tysiačy čałaviek na borcie zahinuła tryccać — pieravažna z-za taho, što vinty sudna začapili dźvie ratavalnyja šlupki.
Ciapier ža ŭpieršyniu z hłybini bolš za 120 mietraŭ dajviery dastali šerah kaštoŭnych artefaktaŭ:
- karabielny zvon z naziralnaha pasta;
- sihnalny lichtar;
- partatyŭnaje abstalavańnie z kajut pieršaha i druhoha kłasaŭ;
- kieramičnuju plitku z tureckaj łaźni na borcie;
- binokl.
Ministerstva kultury Hrecyi adznačaje, što praca viałasia ŭ składanych umovach — na vialikaj hłybini, pry mocnych ciačeńniach i kiepskaj bačnaści. Niekatoryja abjekty pakul nie ŭdałosia padniać z-za ich miescaznachodžańnia abo drennaha stanu.
Znojdzienyja pradmiety dastavili ŭ Afiny, dzie jany prajšli praz praceduru kansiervacyi. U budučyni jany stanuć častkaj pastajannaj ekspazicyi ŭ muziei padvodnych staražytnaściaŭ u Pirei, jaki ciapier stvarajecca.
List z «Tytanika» pradali na aŭkcyjonie za 350 tysiač jeŭra
«Tytanik» na dnie akijana pastupova razburajecca. Kolki jon jašče vytrymaje?
Aŭstralijski miljarder pabuduje kopiju «Tytanika», jakaja pojdzie tym ža maršrutam
«Kali daviedaŭsia, što vybuchnuła, adčuŭ palohku». Śviedka trahiedyi padłodki «Tytan» — pra strach za źnikłych i łžyvuju nadzieju
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary