Na aŭkcyjonnaj placoŭcy «IPM-Tarhi» źjaviłasia abjava ab prodažy vializnaha pa mierkach pravincyi hatelnaha kompleksu pad nazvaj «Višniovy sad». Jon raźmieščany ŭ Babrujskim rajonie kala vioski Ščatkava, piša Blizko.by.
Na staroncy łota śćviardžajecca, što raniej tut znachodziŭsia majontak zasnavalnika biełaruskaj dramaturhii Vincenta Dunina-Marcinkieviča.
Realizujecca abjekt jak kompleks budynkaŭ, jaki ŭklučaje ŭ siabie hatel, bar, bankietnuju zału, akvazonu, kinateatr. Mebla, pradmiety interjeru, ŭładkavańnie terytoryi, sistema achovy — usio ŭvachodzić u skład łota.
Ahulnaja płošča budynkaŭ składaje 2 064 kvadratnyja mietry (ułasna hatelnaha kompleksu — 292 kvadratnyja mietry, a taksama spartkompleksu — 1 772). Taksama ŭ składzie łota iduć dva ziamielnyja ŭčastki płoščaj 0,2625 i 0,0514 hiektara.
Pradaŭcom vystupaje TAA «Biznes RM», jakoje idzie ŭ likvidacyju.
Pavodle sajta kompleksu, numar luks kaštuje 400 rubloŭ u sutki.
Startavaja cana łota składaje 4 202 287,94 rubli, krok tarhoŭ składaje 5%. Adznačajecca, što hetaja cana ŭžo źnižanaja na 20%.
Akramia taho, kupiec pavinien vypłacić uznaharodžańnie arhanizataru tarhoŭ (3% ad cany prodažu łota) i vydatki na praviadzieńnie aŭkcyjonu (400 rubloŭ).
Takim čynam, minimalnaja cana, pa jakoj hatelny kompleks dastaniecca pieramožcu, składaje 4 545 174 rubli, abo prykładna 1 497 093 dalary pa aktualnym kursie Nacbanka.
Tarhi adbuducca 30 vieraśnia ŭ 13:00.
U hihancki biznes-centr na Kastryčnickaj płoščy ŭ Minsku zasialilisia pakul 13 arhanizacyj
Ad «šykoŭnaha hatela» da adnoj prybiralni na pavierch. U jakich internatach sioleta žyvuć studenty VIDEA
28‑hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał
Kamientary