U čaćvier na plažy kala Vientśpiłsa na Bałtycy byŭ znojdzieny abłomak drona Terytoryju ačapili, piša Delfi.lv.
Pavodle papiaredniaj infarmacyi, pahrozy na miescy nie vyjaŭlena. Palicyja miarkuje, što abłomak byŭ vykinuty moram.
Byli prainfarmavanyja adkaznyja słužby, a na miesca zdareńnia nakiravana hrupa pa niejtralizacyi bojeprypasaŭ Nacyjanalnych uzbrojenych sił Łatvii (NUS).
Pavodle danych NUS, z mora byŭ vykinuty abłomak chvastavoj častki drona «Hierbiera».
Na raspaŭsiudžanym NUS fota bačnaja častka drona z ruchavikom, a na jaho chvastavoj častcy — dźvie litary «y» kirylicaj i niekalki ličbaŭ.
Jak paviedamiŭ ministr abarony Łatvii Andrys Spruds, śpiecyjalisty Nacyjanalnych uzbrojenych sił (NUS) na miescy paćvierdzili, što abjekt nie ŭjaŭlaje niebiaśpieki. Pry hetym u suviazi ź incydentam NUS praciahvajuć supracoŭnictva ź Dziaržpalicyjaj.
«Naš pryjarytet — umacavańnie ŭschodniaj miažy, ale vidavočna, što nie mienš važna zabiaśpiečvać achovu ŭźbiarežža Bałtyjskaha mora», — prakamientavała vyjaŭleńnie abłomka drona ŭ tvitary premjer-ministr Evika Silinia.
Premjer daručyła ministram abarony i ŭnutranych spraŭ źviazacca z kalehami ŭ Polščy, kab vyśvietlić, ci nie adnosicca dron da taho ž typu, što byŭ znojdzieny ŭ Polščy na minułym tydni.
Ciapier čytajuć
«Čakaju tavar užo 13 dzion». Što pišuć klijenty ab prablemach Wildberries6
Kamientary