Prezident Ukrainy Uładzimir Zialenski paviedamiŭ, što ŭ apošnija tydni ŭkrainskaja armija pravodzić paśpiachovuju kontrnastupalnuju apieracyju na Danieckim napramku, piša «Ukrainskaja praŭda».
Pavodle słoŭ ukrainskaha lidara, asnoŭnyja bajavyja dziejańni adbyvajucca ŭ rajonie Pakroŭska i Dobrapolla. Uładzimir Zialenski adznačyŭ, što bai ciažkija, ale ŭkrainskija vojski zdoleli nanieści istotnyja straty rasijskim siłam.
Prezident Ukrainy padkreśliŭ, što siły abarony pazbaŭlajuć akupantaŭ mahčymaści pravodzić poŭnamaštabnaje nastupleńnie, jakoje jany doŭha płanavali.
Z pačatku kontrnastupu ŭkrainskija vojski, pa słovach Zialenskaha, vyzvalili ŭžo 160 km² terytoryi, siem nasielenych punktaŭ, a jašče 170 km² i dzieviać nasielenych punktaŭ «ačyščanyja ad akupantaŭ».
Taksama jon paviedamiŭ, što Ukraina značna papoŭniła svoj abmienny fond — u jaho dadałasia amal sotnia rasijskich vajennapałonnych, i kolkaść ich jašče pavialičycca.
Straty rasijan, jak śćviardžaje Zialenski, tolki ŭ rajonie Pakroŭska za apošnija tydni skłali bolš za 2 500 čałaviek, ź jakich bolš za 1 300 byli zabityja.
Zialenski: Pucin skazaŭ Trampu, što zachopić Danbas za try-čatyry miesiacy
Zialenski ŭ Paryžy raspavioŭ, čamu Ukraina nie moža pajści na terytaryjalnyja sastupki
Kolki ŭkraincaŭ zhodny na pieramovy na lubych umovach, a kolki za toje, kab vajavać, pakul nie vyjduć na miažu 2022 hoda
Jak u akupavanym Daniecku vyžyvajuć biez vady?
Kamientary