Karovy jak ziebry i jaščarki, jakija lubiać picu — u Harvardzie ŭručyli šnobieleŭskija premii
U Harvardzie prajšła 35‑ja cyrymonija ŭručeńnia Šnobieleŭskaj premii — parodyi na Nobieleŭskuju premiju, jakuju prysudžajuć za dasiahnieńni, «jakija spačatku prymušajuć ludziej śmiajacca, a zatym prymušajuć zadumacca».
U Harvardzie prajšła 35‑ia cyrymonija ŭručeńnia Šnobieleŭskaj premii — parodyi na Nobieleŭskuju premiju, jakuju prysudžajuć za dasiahnieńni, «jakija spačatku prymušajuć ludziej śmiajacca, a zatym prymušajuć zadumacca».
Łaŭreatami premii ŭ hetym hodzie stali:
— pa chimii: Rotem Naftałovič, Daniel Naftałovič i Frenk Hrynuej — za daśledavańnie ab «dyjecie z tefłonam» — dadańni ŭ ježu palitetrafteraetylenu (PTFE) jak abjomnaha, ale nizkakałaryjnaha napaŭnialnika dla nasyčeńnia;
— układ u spravu miru: hrupa navukoŭcaŭ za daśledavańnie ab stanoŭčym upłyvie ałkaholu na biehłaść razmaŭlać na zamiežnaj movie;
— pa piedyjatryi: Džulija Mienieła i Hery Bičamp — za adkryćcio, što časnok u racyjonie maci źmianiaje pach hrudnoha małaka, i niemaŭlaty daŭžej smokčuć hrudzi;
— pa bijałohii — japonskija navukoŭcy — za daśledavańnie, ci mohuć karovy, razmalavanyja pałoskami jak ziebry, paźbiahać ukusaŭ much;
— pa avijacyi: hrupa navukoŭcaŭ — za daśledavańnie ŭpłyvu ałkaholu na palot i echałakacyju ŭ kažanoŭ;
— pa psichałohii: navukoŭcy Marčyn Zaženkoŭski i Žyl Žyńjak za daśledavańnie taho, što adbyvajecca, kali ludziam kažuć, što jany razumnyja;
— pa inžyniernym dyzajnie: indyjskija navukoŭcy Vikaš Kumar i Sartak Mittal — za analiz taho, jak smurod ad abutku ŭpłyvaje na zručnaść vykarystańnia padstaŭki dla abutku;
— u halinie charčavańnia: hrupa navukoŭcaŭ — za vyvučeńnie taho, u jakoj stupieni peŭny vid jaščarak addaje pieravahu peŭnym vidam picy.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj26
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary
Što niabłaha, uličvajučy što ŭ nas ciapleje, i ślepniaŭ usialakich tolki bolej