Rasija ŭdaskanaliła ataki dronami — zabiaśpiečvać tył ukraincam stanovicca ciažej
U apošnija miesiacy Rasija pačała ŭžyvać novyja mietady, kab pavialičyć radyus dziejańnia svaich udarnych bieśpiłotnikaŭ i biaźlitasna atakavać ukrainskaje tyłavoje zabieśpiačeńnie, sprabujučy pieraškodzić ludziam i hruzam dabracca da linii frontu. Darohi ŭ 30 kiłamietrach ad bližejšych rasijskich pazicyj, jakija doŭhi čas ličylisia biaśpiečnymi, ciapier padviarhajucca rehularnym abstrełam, piša The Wall Street Journal.
Nacelvajučysia na linii zabieśpiačeńnia, rasijskija vojski spadziajucca izalavać ukrainskija apornyja punkty, jakija zastalisia ŭ Danieckaj vobłaści i jakija rasiejcy nie zmahli zachapić.
Kijeŭ prystasoŭvajecca, ustaloŭvaje supraćdronnyja sietki na maršrutach zabieśpiačeńnia, pierasoŭvajecca nočču i na nievialikich transpartnych srodkach zamiest hruzavikoŭ.
Tym nie mienš, rasijskija ataki dronami paharšajuć isnujučy niedachop usiaho — ad vady da bojeprypasaŭ i, asabliva, žyvoj siły — uzdoŭž linii frontu.
Zusim niadaŭna bieśpiłotnyja latalnyja aparaty z vybuchoŭkaj zrabili praktyčna niemahčymaj pierakidku ludziej u akopy na pieradavoj na bronietechnicy, jakaja ŭjaŭlaje saboj lohkuju mišeń. Užo bolš za hod sałdaty z abodvuch bakoŭ u asnoŭnym pieraadolvajuć apošnija niekalki kiłamietraŭ pieššu, niesučy z saboj charčy. Ratacyja vojskaŭ stała nastolki składanaj, što sałdaty časam pravodziać na pazicyjach miesiacy, tamu što niama mahčymaści biaśpiečna adpravić papaŭnieńnie.
Ciapier technałahičnyja dasiahnieńni — drony na optavałaknie, niaŭraźlivyja dla REB — dazvalajuć Rasii pahražać ukrainskim daroham dalej ad linii frontu, čym u minułym.
Akramia taho, ukrainskija vajskoŭcy zajavili, što ŭ apošnija miesiacy rasijskija vojski pačali vykarystoŭvać novuju taktyku: ciažkija bieśpiłotniki — «karabli-nośbity» — zalatajuć daloka za liniju kantrolu i vypuskajuć nievialikija bieśpiłotniki z vybuchoŭkaj, jakija zatym atakujuć ukrainskuju techniku. Karabiel-nośbit taksama słužyć retranślacyjny antenaj, jakaja padtrymlivaje suviaź dronaŭ sa svaimi piłotami. Drony akazvajucca bolš dakładnymi ŭ naniasieńni ŭdaraŭ u radyusie 30 km.
Pa słovach ukrainskich vajskoŭcaŭ, da niadaŭniaha času daroha, jakaja złučała Izium u Charkaŭskaj vobłaści sa Słavianskam u Danieckaj, ličyłasia biaśpiečnaj. Adnak u hetym miesiacy daroha rehularna padviarhałasia abstrełam, uklučajučy cyvilnyja aŭtamabili.
Choć na froncie vučacca supraćdziejničać hetym atakam, srodkaŭ dla abarony niedastatkova.
Dźmitryj Zaparožac, padpałkoŭnik 11‑ha armiejskaha korpusa USU, kaža, što na dadzieny momant va Ukrainy prosta niama dastatkovych resursaŭ dla abarony linij zabieśpiačeńnia pa ŭsim froncie. Sučasnyja sistemy, takija jak radary izrailskaha vytvorčaści, kaštujuć miljony dalaraŭ kožny i achoplivajuć usiaho kala 10 km. Elektronnyja hłušyłki taksama darahija i znachodziacca ŭ deficycie.
Pamiatajecie kadeta, jaki na sustrečy z Łukašenkam śmieła vystupiŭ pa-biełarusku? Jon vyjechaŭ z krainy20
Kamientary