Ci hatovyja vy naminiravać prezidenta ZŠA Donalda Trampa na Nobieleŭskuju premiju miru, spytała DW u Ńju-Jorku prezidenta Ukrainy Uładzimira Zialenskaha.
Ukraina hatova naminavać prezidenta ZŠA Donalda Trampa na Nobieleŭskuju premiju miru, kali toj zmoža pakłaści kaniec vajnie RF. Pra heta ŭ aŭtorak, 23 vieraśnia, zajaviŭ ukrainski lidar Uładzimir Zialenski, adkazvajučy na pytańnie DW u Ńju-Jorku, dzie prachodzić 80‑ia siesija Hienasamblei AAN.
«U Trampa jość šaniec skončyć hetuju vajnu, i kali jon jaje skončyć — absalutna ŭpeŭnieny, usie ŭkraincy zrobiać heta z zadavalnieńniem. Tamu što hetaja misija — unbelievable, skončyć jaje», — skazaŭ prezident Ukrainy paśla razmovy z Trampam.
Sam Tramp na pytańnie DW ab tym, moh by Kijeŭ naminavać jaho, adkazaŭ: «Why not?» («Čamu nie?»).
Razmova Zialenskaha i Trampa ŭ Ńju-Jorku, dzie prachodzić 80‑ia siesija Hienasamblei AAN, praciahnułasia kala hadziny.
Zialenski: Prezident ZŠA dobra daśviedčany
Paźniej Zialenski nazvaŭ sustreču praduktyŭnaj. U pastach u sacsietkach jon taksama padziakavaŭ amierykanskamu lidaru za ciesnaje supracoŭnictva. «Pan prezident dakładna razumieje situacyju i dobra daśviedčany ab usich aśpiektach hetaj vajny. My vysoka šanujem jaho rašučaść dapamahčy pakłaści kaniec hetaj vajnie», — napisaŭ prezident Ukrainy.
Jon taksama asobna adznačyŭ sustreču Aleny Zialenskaj i Miełanii Tramp, padčas jakoj abmiarkoŭvaŭsia los ukrainskich dziaciej, vyviezienych Rasijaj.
«Ukraina pry padtrymcy ES zdolnaja viarnuć usiu svaju terytoryju»
Kiraŭnik Biełaha doma pa vynikach sustrečy z Uładzimiram Zialenskim vykazaŭ upeŭnienaść, što pry padtrymcy Jeŭrasajuza Ukraina zdolnaja zmahacca i viarnuć usiu svaju terytoryju ŭ raniejšych miežach.
«Ź ciaham času, ciarpieńniem i finansavaj padtrymkaj Jeŭropy i, u pryvatnaści, NATA, adnaŭleńnie pieršapačatkovych hranic, ź jakich pačałasia heta vajna, całkam mahčyma, — ukazaŭ amierykanski lidar. — Rasija ŭžo try z pałovaj hady viadzie biessensoŭnuju vajnu, na pieramohu ŭ jakoj u realnaj vajennaj dziaržavy pajšło b mienš za tydzień».
Pa słovach Trampa, heta robić RF padobnaj na «papiarovaha tyhra».
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva4
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2929
Kamientary
Vojnu možiet zakončiť tolko tot, kto načał !
Libo svoim poražienijem, libo svojej pobiedoj. Ostalnoje ot łukavoho, ot trampa, ot zielenskoho.
Nia viedaju.
Suśvietnaja historyja zapaminaje nie nobielej miru, a pieramožcaŭ: Ruźvielt, Ejzienchaŭer, Rejhan i hd.
Naležyć dać Ukrainie usiu nieabchodnuju zbroju i nanieści parazu Maskovii.