Zialenski: Ukraina hatovaja da pieramoŭ z ZŠA adnosna asablivaj zbroi
Ukraina pieradała prezidentu ZŠA Donaldu Trampu svajo bačańnie, čaho jana choča. Heta praduhledžana ŭ bujnym pahadnieńni na 90 miljardaŭ dalaraŭ, adnak Ukraina hatovaja da damoŭ z ZŠA pa asablivaj zbroi, uklučajučy dalnabojnuju, paviedamiŭ prezident Ukrainy Uładzimir Zialenski, nazvaŭšy sustreču z Trampam padčas Hiensaamblei AAN u Ńju-Jorku «vielmi praduktyŭnaj».
«Što tyčycca taho, čaho choča Ukraina ad ZŠA — to ŭsio heta jość. My pieradali prezidentu ZŠA z detalami i ź ilustracyjaj, čaho choča Ukraina, i ŭsio heta, u pryncypie, praduhledžana ŭ našym vialikim pahadnieńni na 90 miljardaŭ. Ale my hatovyja da asobnych damoŭ pa asablivych vidach zbroi, uklučajučy dalnabojnyja», — skazaŭ Zialenski padčas bryfinhu paśla viartańnia z ZŠA 27 vieraśnia.
Taksama jon zajaviŭ, što nie varta być zanadta aściarožnymi ŭ rytorycy z rasijanami, kali tyja pahražajuć, i nie treba prajaŭlać słabaść, kali Rasija pahražaje Kijevu błekaŭtam.
«Sapraŭdy, ja padzialiŭsia ź im [Trampam] realijami na poli boju i niekatorym bačańniem taho, što mahło b być. I ja liču, što jość upłyŭ na Rasiju, i nie treba čakać miakkich krokaŭ z boku Rasii ŭ bok Ukrainy, i adpaviedna Ukraina pavinna rabić adpaviednyja kroki ŭ bok Rasii. I nie treba hetaha bajacca, i nie treba być vielmi aściarožnymi ŭ rytorycy z ruskimi, kali jany pahražajuć. Ja miarkuju, što takaja ž rytoryka pavinna być i ŭ cyvilizavanych krainach».
U vypadku, kali Rasija budzie i dalej bić pa enierhietyčnaj infrastruktury Ukrainy, Ukraina, jak zapeŭniŭ Zialenski, budzie źviartacca da simietryčnych dziejańniaŭ.
«Rasija pavinna dakładna viedać, što cyvilizavanyja krainy adroźnivajucca ad dzikich tym, što jany nikoli nie pačynajuć pieršymi i nie źjaŭlajucca ahresarami. Ale jany nie słabyja. Nie treba prajaŭlać słabaść. Kali pahražajuć błekaŭtam, naprykład, stalicy Ukrainy, to ŭ Kramli pavinny viedać, što budzie błekaŭt u stalicy Rasii», — adznačyŭ prezident Ukrainy.
Łukašenka ŭžo ŭhavorvaje Zialenskaha sustrecca i nazyvaje na imia pa baćku
Zialenski znoŭ paprasiŭ u Trampa rakiety Tomahawk
Zialenski: Mahčyma spynieńnie pa linii frontu, kali zaŭtra budzie spynieńnie ahniu
Zialenski: Ja vieru, što Tramp choča pieramohi Ukrainy
Tramp: Rasija patraciła miljony dalaraŭ i žyćci svaich ludziej, kab amal ničoha nie zachapić
Kali Rasija nie spynić vajnu, rasijskija čynoŭniki pavinny viedać, dzie znachodzicca najbližejšaje bambaschovišča — Zialenski
Kamientary