Siedziačy ŭ kafe mamy ŭ Bavaryi, Łukas zaŭvažyŭ, jak 11‑hadovaja dziaŭčynka padčas sproby sieści na rovar mocna paškodziła nahu.
Chłopčyk chutka prapanavaŭ akazać joj pieršuju dapamohu, paviedamlaje telehram-kanał «A što tam u niemcaŭ».
Siamja dziaŭčynki spačatku razhubiłasia. «Jany navat nie razumieli, što ja chaču zrabić», — raspavioŭ Łukas u efiry radyjostancyi Bayern 3.
Chłopčyk prynios pieraviazačnyja materyjały, supakoiŭ paciarpiełuju, nakłaŭ na jaje nahu paviazku i vyklikaŭ chutkuju dapamohu.
Paźniej palicyja pachvaliła razvažlivyja i arhanizavanyja dziejańni Łukasa. Mamu taksama ździviŭ ułasny syn.
«Ja i nie dumała, što jon tak dobra spravicca i zastaniecca takim upeŭnienym», — skazała jana, dadaŭšy, što jaje vielmi supakojvaje, što ŭ siamji «jość doktar».
Chłopčyk užo vyznačyŭsia z budučaj prafiesijaj — jon choča stać paramiedykam. «Mnie padabajecca dapamahać ludziam, jakija trapili ŭ biadu», — kaža jon.
Kamientary