Седзячы ў кафэ мамы ў Баварыі, Лукас заўважыў, як 11‑гадовая дзяўчынка падчас спробы сесці на ровар моцна пашкодзіла нагу.
Хлопчык хутка прапанаваў аказаць ёй першую дапамогу, паведамляе тэлеграм-канал «А што там у немцаў».
Сям’я дзяўчынкі спачатку разгубілася. «Яны нават не разумелі, што я хачу зрабіць», — распавёў Лукас у эфіры радыёстанцыі Bayern 3.
Хлопчык прынёс перавязачныя матэрыялы, супакоіў пацярпелую, наклаў на яе нагу павязку і выклікаў хуткую дапамогу.
Пазней паліцыя пахваліла разважлівыя і арганізаваныя дзеянні Лукаса. Маму таксама здзівіў уласны сын.
«Я і не думала, што ён так добра справіцца і застанецца такім упэўненым», — сказала яна, дадаўшы, што яе вельмі супакойвае, што ў сям’і «ёсць доктар».
Хлопчык ужо вызначыўся з будучай прафесіяй — ён хоча стаць парамедыкам. «Мне падабаецца дапамагаць людзям, якія трапілі ў бяду», — кажа ён.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары