«Kałarada Eviełanš» zabraŭ biełaruskaha abaroncu Ilju Sałaŭjova z draftu admovaŭ, kudy raniej jaho źmiaściŭ «Kałhary Fłejmz».
Takim čynam, abaronca chakiejnaj zbornaj Biełarusi pierajšoŭ u stan «łavin» biez usialakaj kampiensacyi, piša «Biełaruski chakiej».
U minułym siezonie «Kałhary» taksama vystaŭlaŭ jaho na draft admovaŭ, ale ŭ vyniku tady Sałaŭjoŭ tak i zastaŭsia ŭ «Kałhary Fłejmz», hulajučy za farm-kłub.
U minułym siezonie 25‑hadovy ŭradženiec Mahilova pravioŭ 5 hulniaŭ u Nacyjanalnaj chakiejnaj lizie, dzie nabraŭ 1 (0+1) bał, pry pakazčyku karysnaści «-3».
Novy siezon u samaj mocnaj chakiejnaj lizie śvietu startuje na nastupnym tydni. «Kałarada» ŭ pieršym matčy 7 kastryčnika zhulaje z «Łos-Andželes Kinhz».
Małodšy brat Alaksieja Protasa Illa nie zdoleŭ pakul zamacavacca ŭ «Vašynhton Kepitałz», jon adpraŭleny ŭ farm-kłub — «Chieršy» i budzie hulać u Amierykanskaj chakiejnaj lizie.
«Vašynhton» z Alaksiejem Protasam pieršuju hulniu praviadzie 8 kastryčnika, jaho supiernikam budzie «Bostan Bruinz».
Uładzisłaŭ Kalačonak budzie hulać za «Dałas», sprabuje zamacavacca ŭ NCHŁ Arciom Leŭšunoŭ («Čykaha»), hałkipier Alaksiej Kołasaŭ byŭ adpraŭleny «Fiładelfijaj» u farm-kłub «Lichaj Veli Fantoms».
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary