Vydaviectva «Januškievič» vypuściła novuju knihu Makara Vałynkina «Nici»
Heta mistyčny apovied pra maładoha nastaŭnika, jaki pa raźmierkavańni pryjazdžaje pracavać u viosku.
Nabyć tvor možna ŭ kniharni «Knihaŭka» ci praz polski markietpłejs Allegro.
Da vychadu knihi śpiavačka Nastaśsia Rydleŭskaja napisała adpaviedny saŭndtrek, taksama možna pahladzieć bukcizier.
Tak vydaviectva «Januškievič» raspaviadaje pra siužet tvora:
U viosku Krupa, dzie źnikajuć niabožčyki, pa raźmierkavańni pryjazdžaje małady nastaŭnik Anton. Na kartach vioska — usiaho tolki kropka siarod bałot i lasoŭ, ale tutejšyja vierać u staražytnyja zababony i žyvuć pavodle tradycyj prodkaŭ.
Abrad «nici», paśla jakoha źnikajuć niabožčyki, niepakoić Antona, i jon pačynaje šukać jamu łahičnaje tłumačeńnie. Čym dalej nastaŭnik prasoŭvajecca ŭ rasśledavańni, tym bolš ryzykuje ŭłasnym žyćciom i sutykajecca z varožaściu miascovych žycharoŭ.
Što chavaje Krupa: čałaviečyja złačynstvy ci siłu, jakaja pryjšła ź inšaha śvietu?»
«Nici» — druhi tvor maładoha aŭtara Makara Vałynkina. Pieršy — apovied «Apošniaje pakaleńnie» — uvajšoŭ u doŭhi śpis naminantaŭ na premiju Hiedrojcia.
Ciapier čytajuć
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada1
Kamientary