Jeŭraparłamient uhanaravaŭ biełaruskaha palitviaźnia Andžeja Pačobuta premijaj imia Sacharava
Kiraŭniki palityčnych hrup i staršynia Jeŭraparłamienta Rabierta Mietsoła nazvali 22 kastryčnika łaŭreataŭ premii imia Sacharava «Za svabodu dumki» 2025 hodu.
Imi stali źniavolenyja žurnalisty — Andžej Pačobut ź Biełarusi i Mzija Amahłabieli z Hruzii, «jakija zmahajucca za vašu i našu svabodu».
Andžej Pačobut byŭ zatrymany 25 sakavika 2021 hoda i praz dva hady asudžany na vosiem hadoŭ pazbaŭleńnia voli. U žniŭni žurnalista adpravili ŭ pamiaškańnie kamiernaha typu na paŭhoda.
***
Premija Sacharava za svabodu dumki — heta štohadovaja ŭznaharoda Jeŭrapiejskaha parłamienta, jakaja pryznačajecca asobam abo arhanizacyjam, jakija adstojvajuć pravy čałavieka i svabodu mierkavańniaŭ. Nazvanaja ŭ honar savieckaha fizika i pravaabaroncy Andreja Sacharava, i pryznanaja adnoj z samych prestyžnych premijaŭ u pravaabarončaj halinie. Pieršymi łaŭreatami premii stali ŭ 1988 hodzie na toj momant viazień Nielsan Mandeła i ŭkrainski dysident Alaksandr Marčanka.
Ad Biełarusi dahetul łaŭreatami premii byli Biełaruskaja asacyjacyja žurnalistaŭ (2004), Alaksandr Milinkievič (2006), biełaruskaja apazicyja (2020). U minułym hodzie łaŭreatami premii stali lidary vieniesuelskaj apazicyi Maryja Karyna Mačada, što sioleta ŭznaharodžanaja nobieleŭskaj premijaj miru, i Edmunda Harsija Hansales.
Kamientary