Prezident ZŠA zajaviŭ u niadzielu, što moža vielmi chutka vyrašyć kryzisnyja adnosiny pamiž Afhanistanam i Pakistanam na fonie mirnych pieramovaŭ pamiž krainami. Pra heta Donald Tramp zajaviŭ u kułuarach samita ASEAN u Małajzii, piša Associated Press.
«Ja čuŭ, što Pakistan i Afhanistan pačali pieramovy. Ale ja vielmi chutka vyrašu hetaje pytańnie», — skazaŭ Tramp.
Jon zajaviŭ pra heta padčas padpisańnia mirnaj damovy pamiž Tajłandam i Kambodžaj, dadaŭšy, što lidary Pakistana — «cudoŭnyja ludzi».
Dźvie krainy ŭciahnutyja ŭ doŭhuju sprečku pa pytańniach biaśpieki, i kožny bok śćviardžaje, što reahavaŭ na ahresiju inšaha padčas sutyknieńniaŭ u pačatku hetaha miesiaca.
Heta byli samyja kryvavyja bai pamiž imi za apošnija niekalki hadoŭ, što stała najnižejšaj kropkaj u ich adnosinach, a taksama vyklikała tryvohu ŭ rehijonie, dzie ŭzbrojenyja hrupoŭki, takija jak «Al-Kaida», sprabujuć adradzicca.
Pakistan abvinavačvaje Afhanistan u tym, što toj zapluščvaje vočy na bajevikoŭ, jakija pierasiakajuć miažu dla ździajśnieńnia napadaŭ, ale taliby, što kirujuć Afhanistanam, adchilajuć hetyja abvinavačańni.
Pakistanskaja armija zajaviła ŭ niadzielu, što zabiła 25 bajevikoŭ padčas «adbićcia dvuch surjoznych sprob praniknieńnia» ŭzdoŭž miažy, niahledziačy na toje, što delehacyi viali pieramovy ŭ Stambule. Jana taksama paviedamiła, što piaciora pakistanskich sałdat zahinuli padčas pierastrełki.
U vyniku bajavych dziejańniaŭ u pačatku hetaha miesiaca ŭ Afhanistanie zahinuli dziasiatki ludziej i sotni atrymali ranieńni, choć Pakistan admaŭlaje napad na mirnaje nasielnictva i zajaŭlaje, što jaho metaj byli bajeviki i ich schoviščy.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary
Čarhovaja hańba.