Karol Vialikabrytanii Karł III pryniaŭ rašeńnie ab pazbaŭleńni svajho brata, prynca Endru, usich tytułaŭ, zvańniaŭ i ŭšanavańniaŭ. Heta było zroblena paśla taho, jak na hetym tydni stali viadomyja novyja padrabiaznaści pra suviazi prynca z asudžanym za seksualnyja złačynstvy amierykanskim miljarderam Džefry Epštejnam, paviedamlaje Euronews.
Brat karala Vialikabrytanii Karła III prync Endru budzie pazbaŭleny tytuła i pakinie svaju rezidencyju ŭ Vindzorskim zamku, paviedamili ŭ Bukinhiemskim pałacy.
Adznačajecca, što ciapier brata Karła III buduć zvać Endru Mauntbieten-Vindzor. Takija miery paličyli nieabchodnymi niahledziačy na toje, što Endru praciahvaje admaŭlać vystaŭlenyja suprać jaho abvinavačvańni, havorycca ŭ paviedamleńni.
Rašeńnie ab pazbaŭleńni tytułaŭ, zvańniaŭ i ŭšanavańniaŭ było pryniata brytanskim manarcham paśla taho, jak na hetym tydni stali viadomyja novyja padrabiaznaści pra suviazi prynca z asudžanym za seksualnyja złačynstvy amierykanskim miljarderam Džefry Epštejnam.
Vyśvietliłasia, što Endru prymaŭ Epštejna i amierykanskaha pradziusara Charvi Vajnštejna, taksama asudžanaha za seksualnyja złačynstvy, u svajoj rezidencyi ŭ Vindzory ŭ 2006 hodzie.
Prync Endru byŭ vymušany admovicca ad vykanańnia aficyjnych abaviazkaŭ člena karaleŭskaj siamji ŭ 2019 hodzie z-za skandału, vyklikanaha spravaj Epštejna. Heta adbyłosia paśla taho, jak amierykanka Virdžynija Džufre vystupiła z abvinavačvańniami suprać prynca, zajaviŭšy, što jon byŭ adnym z mužčyn, ź jakimi jaje prymušali zajmacca seksam u 17‑hadovym uzroście.
U svajoj knizie Nobody's Girl («Ničyja dziaŭčynka») Džufre zhadvaje pra try vypadki seksualnych adnosin z členam brytanskaj siamji i abvinavačvaje prynca ŭ tym, što toj ličyŭ seks ź joj «pravam pa naradžeńni». Kniha była apublikavanaja praz paŭhoda paśla taho, jak Džufre skončyła žyćcio samahubstvam.
Prync Endru admoviŭsia ad tytuła hiercaha Jorkskaha. Jamu znoŭ vylezła bokam sprava Epštejna
Styvien Chokinh braŭ udzieł u seksualnych orhijach? Što za «śpisy Epštejna» i chto ŭ ich trapiŭ
Karł III vyhnaŭ prynca Endru z Bukinhiemskaha pałaca
Brytanski prync Endru vybłytaŭsia sa spravy ab seksualnym hvałcie. Jon zrabiŭ pazoŭnicy «istotnaje achviaravańnie»
Lizavieta II pazbaviła svajho syna Endru čynoŭ i tytułaŭ. Jaho vinavaciać u zhvałtavańni
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary