Prynamsi 24 svajaki Pucina atrymali pasady, źviazanyja ź dziaržavaj
Heta rekord dla rasijskich kiraŭnikoŭ za apošnija sto hadoŭ.
Pucin dapamoh uładkavacca na pasady, źviazanyja z uładaj, jak minimum 24 svaim svajakam, piša «Dožd́» sa spasyłkaj na «Prajekt». Vierahodna, heta rekord dla rasijskich kiraŭnikoŭ za apošnija sto hadoŭ.
Rasśledavalniki ŭdakładniajuć, što «źviazanuju ź dziaržavaj zarpłatu» atrymali siemji «ŭsich čatyroch viadomych kachanak Pucina»: Ludmiły Pucinaj-Ačaretnaj, Aliny Kabajevaj, Śviatłany Kryvanohich i Alisy Charčavaj.
Taksama ŭličanyja siemji «aficyjnych» dačok Pucina — Maryi Varancovaj i Kaciaryny Cichanavaj, dvajuradnych bratoŭ pa linii baćki, dvajuradnaj siastry pa linii maci i dvajuradnaj siastry pa linii baćki.
U rasśledavańni «Prajekta» havorycca, što samyja vysokapastaŭlenyja pasady atrymali haliny stryječnaha brata Jaŭhienija Pucina: Hanna Cyvilova, Siarhiej Cyviloŭ i Michaił Pucin atrymali pasady ŭ uradzie i «Hazpramie». Halina dvajuradnaj siastry Pucina pa baćkoŭskaj linii kantraluje kampaniju «Rushidra».
Kamientary