Biełaruski hrybnik i błohier Alaksandr Harbacevič pakazaŭ u TikTok niezvyčajnuju znachodku — žoŭtyja baraviki, zaŭvažyŭ «Smartpres».
Hrybnik vykazaŭ zdahadku, što heta moža być novy vid baravikoŭ. Pavodle jaho słoŭ, hetyja hryby padobnyja na zvyčajnyja sasnovyja baraviki — majuć takuju ž formu i pach, ale jany vyrazna žoŭtaha koleru.
Žiełtyje boroviki?? novyj vid?!
U kamientaryjach karystalniki z roznych krain raskazali, što taksama sustrakali padobnyja hryby. Ludzi z Ukrainy pisali, što bačyli ich u Sumskaj, Pałtaŭskaj i Zakarpackaj abłaściach, a karystalniki z Rasii adznačyli, što žoŭtyja baraviki traplajucca i na Dalokim Uschodzie. Niekatoryja ličać, što heta zvyčajnyja biełyja hryby, jakija vyraśli pad ihlicaj i nie atrymali soniečnaha śviatła, tamu i nabyli žoŭtaje adcieńnie.
Pavodle apisańnia śpiecyjalistaŭ, žoŭty baravik — heta redki vid hryboŭ z rodu Boletus, blizki da zvyčajnaha baravika. Jon maje jarka-žoŭty kapialušyk i nožku, miasistaje cieła i pryjemny pach. Hryb jadomy, raście ŭ ciopłych liścievych i źmiešanych lasach, pieravažna ŭ paŭdniovych i centralnych rehijonach Biełarusi, dzie klimat bolš vilhotny i miakki.
Kamientary