Zialenski: Za kastryčnik tolki dronami USU źniščyli 25 tysiač rasijan
Prezident Ukrainy Uładzimir Zialenski ŭ svaim telehram-kanale paviedamiŭ pra «najbolšuju kolkaść strat Rasii z pačatku poŭnamaštabnaj vajny za adzin miesiac».
«Majem 25 tysiač strat voraha, «dvuchsotych» rasijskich akupantaŭ za kastryčnik tolki dziakujučy BPŁA. Dakładnaja ličba, tamu što ŭsio heta ź videapaćviardžeńniami. U nas jość prahrama, i my dajom za adpaviednyja dziejańni ź videapaćviardžeńniami dadatkovyja bały. Tamu tut dakładnaja ličba. Bieź videapaćviardžeńniaŭ — jašče 2‑3 tysiačy.
Heta najbolšaja kolkaść strat Rasii z pačatku poŭnamaštabnaj vajny za adzin miesiac. My pavialičvajem kolkaść BPŁA-kampanienta na froncie. I, adpaviedna, bolš strat niasie vorah, jaki pačaŭ hetuju ahresiju», — napisaŭ Uładzimir Zialenski.
Vykazaŭsia jon i adnosna apieratyŭnaj situacyi na roznych učastkach frontu. U Pakroŭsku, pavodle słoŭ prezidenta Ukrainy:
«Situacyja składanaja. Meta numar adzin dla voraha — akupavać Pakroŭsk jak maha chutčej. Hetaja meta i zastajecca. Heta zrazumieła pa kolkaści šturmaŭ — było za troje sutak 220 šturmaŭ Pakroŭska. U samim horadzie, usiaredzinie, znachodzicca 314 «ruskich». Vielmi bujnaja hrupoŭka na ŭskrainach i ciśnie ŭ hetym kirunku».
U Kupiansku, jak jon śćviardžaje, «u nas jość prasoŭvańnie 1100‑1200 mietraŭ», u Vaŭčansku «situacyja napružanaja i moža ŭskładniacca praz toje, što idzie nakapleńnie «ruskich» bajevikoŭ», u Sieviersku, Kramatorsku i Kanstancinaŭcy vorah «pośpiechu nie mieŭ», na Ačarecinskim napramku «taksama straty našych pazicyj niama», a ŭ Dabrapolli «apieracyja idzie, tam pazityŭna dziejničajuć našy Uzbrojenyja siły».
Zialenski: Łukašenka zapłacić za toje, što zrabiŭ
Zialenski: U Pakroŭsku 314 rasijskich vajskoŭcaŭ. Ukrainskija ŚMI: Heta šmat, Pakroŭsk syplecca
Prychavanaje praniknieńnie: jakija źmieny ŭ taktycy rasijskaj armii pakazaŭ šturm Pakroŭska?
U HUR raskazali detali śpiecapieracyi ŭ Pakroŭsku i ciažkija bai tam
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary