Kalinoŭcu Maksimu Ralko, jaki nieviadoma jak apynuŭsia ŭ Biełarusi, prysudzili 10 hadoŭ kałonii
Maksim Ralko pryhavorany da pazbaŭleńnia voli terminam na 10 hadoŭ z adbyvańniem pakarańnia ŭ papraŭčaj kałonii ŭzmocnienaha režymu, paviedamiła Hienprakuratura.
«Budučy členam złačynnaj arhanizacyi «Połk imia Kastusia Kalinoŭskaha», z krasavika 2022 hoda pa studzień 2024 hoda jon prajšoŭ navučańnie z metaj udziełu ŭ ekstremisckaj dziejnaści. U składzie ekstremisckaha farmavańnia jon znachodziŭsia ŭ jakaści bajevika roznych strukturnych padraździaleńniaŭ. Nie budučy ŭpaŭnavažanym dziaržavaj, jon uziaŭ udzieł va ŭzbrojenym kanflikcie i vajennych dziejańniach na terytoryi Ukrainy», — havorycca ŭ paviedamleńni Hienprakuratury.
Viadoma, što Maksim Ralko (pazyŭny «Ściahanosiec») pryjšoŭ u Połk Kalinoŭskaha ŭ 2022 hodzie, u 21 hod, i na bajavyja nie vyjazdžaŭ. Słužyŭ u tyle: stajaŭ na bramie bazy i achoŭvaŭ składy.
U pačatku 2024‑ha Ralko zvolniŭsia z pałka i viarnuŭsia ŭ Varšavu. Pačaŭ vyvučać teściravańnie ŭ IT, chadziŭ na akcyi pratestu, pracavaŭ achoŭnikam u «Biadroncy». Jon atrymaŭ status dadatkovaj abarony.
Praz paru miesiacaŭ paśla viartańnia z Ukrainy ŭ Polšču, pisała «Miedyjazona», Maksim pasvaryŭsia ź siabrami i źnik. Adnaho ź ich jon abvinavaciŭ u špijanažy.
Potym vyjšaŭ na suviaź u mai 2024 hoda. Raskazaŭ, što znachodzicca ŭ Hiermanii i vyrašyŭ tam padacca na biežanstva. Paźniej Maksim paviedamiŭ, što źbieh z łahiera dla ŭciekačoŭ i pakinuŭ usie dakumienty, uklučajučy pašpart.
Ale paźniej Maksim čamuści rašyŭ viarnucca ŭ Biełaruś. Chłopca zatrymali ŭ punkcie propusku «Brest». Jaho pakazvali ŭ prapahandysckich siužetach na dziaržkanałach.
Ciapier čytajuć
Kaśmičnaja turystka Maryna Vasileŭskaja vyjšła zamuž za kasmanaŭta Navickaha? Jany nosiać piarścionki7
Kamientary
U mienia k vam chorošieje priedłožienije.Tam vaš koniuch, vozomnivšij siebia priezidientom,stroit samyj vysokij v Minskie chmaračos. Počiemu by vam nie pryhnuť s raźbiehom vniz?