«Jašče niekalki dzion tamu źbirali hryby». Pinsk i Brest nakryŭ mocny śniehapad
U Pinsku ranicaj 22 listapada haradžanie pračnulisia ŭ sapraŭdnaj zimie: vulicy, dvary i aŭtamabili za noč pakryła ščylnym słojem śniehu. Drevy litaralna apranulisia ŭ biełyja futry, a dvary stali padobnyja na śniežańskija — chacia da kalendarnaj zimy jašče bolš za tydzień, paviedamlaje Onliner.by.
Miarkujučy pa fatahrafijach, zroblenych miascovym žycharom, śnieh loh raŭnamierna i husta. Haliny dreŭ prahnulisia pad ciažaram, a na darohach užo bačnyja ślady mašyn, jakija pieršymi raźjazdžali śviežy nast.
Pa słovach pinčuka, jaki dasłaŭ zdymki, kantrast asabliva ździviŭ:
«Jašče paru dzion tamu chadziŭ u les u hryby, a siońnia ranicaj zirnuŭ u akno i nie pavieryŭ».
Śniehapad staŭ niečakanaściu dla mnohich žycharoŭ horada — napiaredadni ŭ rehijonie trymałasia plusavaja tempieratura. Kamunalščyki i kiroŭcy, chutčej za ŭsio, nie vielmi rady takoj kolkaści śniehu.
U Brest taksama zima pryjšła rezka
U Breście ranicaj 22 listapada vypaŭ pieršy sapraŭdny śnieh. Śniehapad pačaŭsia z rańniaj ranicy i praciahvaje iści. Miascovyja internet-partały paviedamlajuć, što heta samy rańni start zimy za apošnija hady — zvyčajna pieršy ŭstojlivy śnieh čakajuć bližej da śniežnia.
Pa dadzienych sinoptykaŭ, tempieratura ŭ Breście trymajecca kala 0°C, miescami nižej. Apadki praciahnucca niekalki hadzin, a ŭ asobnych rajonach śnieh užo loh ščylnym słojem.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach9
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary