«Sumuje pa Kyrhyzstanie». Łukašenka raskazaŭ pra žyćcio Bakijeva ŭ Biełarusi
«Nu, heta hańba, što kirhizy nie mohuć dazvolić svajmu prezidentu pryjechać na mahiłu baćki».
Alaksandr Łukašenka ŭ Biškieku raskazaŭ pra žyćcio ŭ Biełarusi eks-prezidenta Kyrhyzstana Kurmanbieka Bakijeva.
«Bakijeŭ taksama dobra žyvie. Narmalna. My jaho da vas nie adpuścim užo. Ja jamu skazaŭ: «Nijakich pajezdak, chopić! Žyvi ŭ Biełarusi». Narmalna žyvie», — skazaŭ Łukašenka ŭ Biškieku, dzie znachodzicca na samicie ADKB.
Łukašenka kaža, što časam byvaje ŭ haściach u Bakijeva, kali toj jaho zaprašaje.
«Ale jon vielmi pakutuje i sumuje pa krainie. Usio mnie kaža: voś chacieŭ by choć na mahiłu pryjechać da baćki. Nu, heta hańba, što kirhizy nie mohuć dazvolić svajmu prezidentu pryjechać na mahiłu baćki. Dumaju, my vyrašym hetaje pytańnie ź ciapierašnim kiraŭnictvam», — dadaŭ Łukašenka.
Kurmanbiek Bakijeŭ byŭ prezidentam Kyrhyzstana z 2005 pa 2010 hady. Paśla niaŭdałaj sproby zdušyć pratesty jon pierajechaŭ u Biełaruś, dzie atrymaŭ palityčny prytułak i, jak paviedamlali ŚMI, hramadzianstva.
Kyrhyzstan šmat razoŭ biespaśpiachova patrabavaŭ ad Minska vydačy Bakijeva — eks-prezident zavočna asudžany na radzimie pavodle šerahu kryminalnych spraŭ za złoŭžyvańnie ŭładaj i inšyja złačynstvy.
U 2025 hodzie prezident Kyrhyzstana Sadyr Žaparaŭ zajaviŭ, što viadzie pieramovy ź biełaruskimi ŭładami pra ŭmovy mahčymaha viartańnia Bakijeva na radzimu.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary