Kiraŭnik Pamiežnaj słužby Litvy: Prablemu pavietranych šaroŭ ź Biełarusi zanadta raździmajuć
Kiraŭnik Pamiežnaj słužby Litvy Rustam Lubajeŭ ličyć, što prablemu kantrabandnych pavietranych šaroŭ z boku Biełarusi apošnim časam zanadta raździmajuć. Jon padkreślivaje: takija mietearałahičnyja šary sapraŭdy mohuć stvarać niebiaśpieku, asabliva ŭ pavietranaj prastory kala aeraportaŭ, ale heta tolki adzin z mnohich sposabaŭ kantrabandy, piša Delfi.lt.
Pa słovach Rustama Lubajeva, kali hladzieć na ahulnuju situacyju ŭ krainie, składajecca ŭražańnie, što mienavita hetamu adnamu mietadu nadajuć praźmierna šmat uvahi, zabyvajučy pra inšyja šlachi traplańnia kantrabandy ŭ Litvu i jaje ahulnyja abjomy. Jon taksama ličyć, što ažyjataž vakoł šaroŭ idzie na karyść režymu Łukašenki i źjaŭlajecca častkaj hibrydnych dziejańniaŭ Minska.
Raniej urad Litvy časova zakryvaŭ miažu praz aktyvizacyju zapusku kantrabandnych šaroŭ. Za apošni čas jany niekalki razoŭ vyklikali zboi ŭ pracy litoŭskich aeraportaŭ, u tym liku ŭ noč na niadzielu, kali Vilenski aeraport davodziłasia zakryvać dvojčy. Pytańnie hibrydnaj ataki z boku Biełarusi nieadnarazova razhladałasia na pasiadžeńniach Nacyjanalnaj kamisii biaśpieki i na roznych mižnarodnych uzroŭniach.
Kamientary
A paśla była jašče navina, što litoŭskija vajskoŭcy źbiralisia dapamahać aeradromu (inšym radaram?), kab bolš dakładna aceńvać niebiaśpieku.
2. Pamiežniki - tyja, chto daŭno dobra viedali pra mieteazondy i ich zaležnaść ad vietru. Infarmacyja ad ich nieadnojčy publikavałasia ŭ navinach da "kastryčnickaha kryzisa". I bolš spakojna.
3. Boty ŭžo pieražyvajuć, što Litva moža saskočyć z kručka.